Mika 1:1-16
1 Ma e wach Jehova ma nobiro ne Mika*+ Ja-Moresheth e ndalo ma Jotham,+ Ahaz,+ kod Hezekia,+ ne locho e wi Juda.+ Noneno fweny e wi Samaria kod Jerusalem:
2 “Winjuru, un ogendni duto!
Chik iti, yaye piny, kod gik moko duto mopong’i,We Jehova Wuon Loch Duto obed janeno modonjoni,+—Jehova ka en e hekalune maler.
3 Nimar neuru! Jehova wuok ka modakie,Enolor mi nonyon kuonde moting’ore malo e piny.
4 Gode biro leny e bwoye,+Kendo hohni biro barore diereMana ka msuma man but mach,Mana ka pi mopuk ka ma ridore.
5 Magi duto notimre nikech ketho mar Jakobo,Nikech richo mar Jo-Israel.+
Ketho mar Jakobo en mane?
Donge en Samaria, koso?+
To kuonde moting’ore malo mag Juda gin mage?+
Donge gin mana Jerusalem, koso?
6 Anami Samaria obed ka pith e puodho,Enobed ka puoth mzabibu;Abiro ng’ielo kitene e hoho,Kendo anael mise mage.
7 Sanamu mage ibiro ng’inj matindo tindo,+Mich duto ma noyudo nikech chode, ibiro wang’ gi mach.+
Abiro ketho sanamu mage duto.
Nikech ne olosogi kuom chudo ma noyudo ka nochodo,Mago e ma nobed chudo mag jochode.”
8 Mano e momiyo abiro goyo nduru kendo ywak malit;+Abiro wuotho duk kendo gi tienda nono.+
Abiro goyo nduru mana ka bwe,Kendo abiro ywagora mana ka udo.
9 Nimar adholane ok nyal thiedhi;+Osechopo nyaka Juda.+
Masirano oselandore e dho ranga joga, mana Jerusalem.+
10 “Kik uland wachno e Gath;Kik uywag kata matin.
Ng’ielreuru e buru Beth-afra.*
11 Yaye un jo ma odak Shafir, ng’aduru loka ka un duk kendo ka wiu kuot.
Jo ma odak Zaanan pok owuok.
Nduru biro winjore Beth-ezel, obiro weyo konyou.
12 Jo ma odak Maroth osebedo ka rito gima ber,To gima rach moa kuom Jehova e ma oselor e dho ranga Jerusalem.
13 Yaye jo ma odak Lakish,+ tueuru geche lweny kuom fareseu.
Un e chakruok mar richo mar nyar SayunNimar richo Jo-Israel noyudore kuomu.+
14 Omiyo, ibiro miyo Moresheth-gath mich sa ma oa.
Ute mag Akzib+ ne gin mana gik wuondruok ne ruodhi mag Israel.
15 Yaye un jo ma odak Maresha,+ anakelnu ng’at ma biro loyou.+
Duong’ mar Israel nochop nyaka Adulam.+
16 Lielreuru kendo ung’ad yie wiu ne nyithindu ma uhero.
Lokreuru robonde mana ka otenga,Nimar osemaugi motergi e tuech.”+
Weche Moler Piny
^ Mika en nying machuok mar Mikael kata Mikaia. Tiend nyingno en “Ng’ano Minyalo Pim gi Jehova?”
^ Kata, “e od Afra.”
