Mika 2:1-13
2 “Yaye, nobed malit ne jo ma chano richo,Ma chano richo e otendni maggi!
Ka piny oru gokinyi gitimo gik ma gichanogo,Nikech lwetgi nigi teko mar timo gigo.+
2 Gigombo puothe kendo giyakogi;+Gigombo ute, kendo gikawogi;Gimayo ng’ato ode,+Gimayo ng’ato pokne.
3 Omiyo, ma e gima Jehova owacho:
‘Achano kelo masira ne dhoodni,+ ee, masira ma ok gibi tonyie.*+
Ok unuchak uwuoth kusungoru,+ nikech masira osechopo.+
4 Chieng’no, ji biro goyo ngero moro e wiu,Gibiro ywagou malit.+
Gibiro wacho niya: “Osetiekwa chuth!+
Osechiwo pok mar joga e lwet jomoko—to mano kaka osegole e lueta!+
Opogo ne jo ma ok lame puothewa.”
5 Kuom mano, ok unubed gi ng’at ma ywayo tond pimo,Mondo opog ne jo Jehova lowo.
6 “Weuru lando wach!” mano e gima gilando,“Ok onego giland wechegi;Wich-kuot ok bi makowa!”
7 Yaye joka Jakobo, ji penjo niya:
“Dibed ni roho mar Jehova ok hore?
Donge magi gin tijene?”
Donge wechena kelo ber ne jo ma wuotho tir?
8 E kindegi, joga e ma piem koda ka wasika.
Ulonyo ayanga gige dusruok mabeyo kaachiel gi lep*
Jo ma kadho gi chir, ka jo ma oa e lweny.
9 Uriembo mond joga e utegi mabeyo;Usemayo nyithindgi duong’na nyaka chieng’.
10 Chung’uru malo ua, nikech kae ok en kar yueyo.
Timbe mochido+ osekelo kethruok, ee, kethruok maduong’.+
11 Ka ng’ato luwo mana yamo kod wuond kendo owacho miriambo niya:
“Abiro landonu wach divai kod kong’o,”Mano e jaland wach ma moro chuny jogi!+
12 A Jakobo, abiro chokou uduto;Abiro choko kanyachiel Jo-Israel modong’.+
Abiro chokogi kanyachiel mana ka rombe manie kul,Mana ka kueth manie lege;+Koko nobed mang’eny nikech ji thoth.’+
13 Jal ma omuko dho rangach biro telo e nyimgi;Gibiro wuok ma gikadh e dho rangach.+
Ruodhgi nobed e nyimgi,Kendo Jehova e ma notelnegi.”+
