Mika 6:1-16
6 Asayou, winjuru gima Jehova wacho.
Auru malo mondo uter wach ma un-go e nyim gode,Kendo mad gode matindo owinj dwondu.+
2 Un gode, winjuru wach ma Jehova nigo,Un mise motegno mag piny,+Nimar Jehova nigi wach kod joge;En gi wach gi Jo-Israel:+
3 “Yaye joga, asetimonu ang’o?
Ere kaka asemiyo ubedo mool?+
Nyisauru wach ma un-go koda.
4 Ne agolou e piny Misri,+Ne awarou ka ne un wasumbni;+Ne aoronu Musa, Harun, gi Miriam+ mondo otelnu.
5 Yaye ogandana, paruru wach ma Balak ruodh Moab ne chano timo,+Kod gima Balaam wuod Beor ne onyise+—Gima ne otimore Shitim+ nyaka Gilgal+—Mondo ung’e timbe makare mag Jehova.”
6 Anabi e nyim Jehova gi ang’o?
Anakulra e nyim Nyasaye man malo gi ang’o?
Be anadhi e nyime gi misengni miwang’o pep,Kod nyiroye ma hikgi achiel?+
7 Be Jehova dibed mamor gi yimbe gana gi gana,Kata gi aoche gana gi gana mag mo?+
Be dachiw wuoda makayo nikech kethona?
Koso dachiw gima ringra onyuolo nikech richona?+
8 Yaye dhano, osenyisi gima ber.
To Jehova dwaro ang’o kuomi?
Odwaro ni itim gik makare,*+ ibed jadiera,*+Kendo iwuoth gi Nyasachi+ ka ibolori!+
9 Dwond Jehova kok e dala maduong’;Jo mariek biro luoro nyingi.
Winjuru luth, kod ng’at ma ne oketo ludhno.+
10 Be pod nitie mwandu mag richo e od jarichoKod efa* morem ma Nyasaye okwedo?
11 Be dabed maler ka an gi gik pimo ma ok ni kare,Kod ofuko mopong’ gi kite pimo ma ok ni kare?+
12 Nimar joge momewo ohero timbe gero,Kendo joge wacho mana miriambo;+Lewgi opong’ gi wuond.+
13 “Kuom mano, abiro goyou malit ma ubed gi adhola,+Kendo ibiro jwang’u nikech richou.
14 Ubiro chiemo to ok ubi yieng’;Iyeu nodong’ nono.+
Ok unuchak upand gik ma usegolo oko,Gimoro amora ma uting’o, abiro chiwo ne ligangla.
15 Ubiro chuoyo kodhi, to ok ubi keyo.
Ubiro nyono zeituni, to ok ubi tiyo gi more;Ubiro loso divai manyien, to ok ubi madhe.+
16 Nimar umako chike mag Omri kendo uluwo timbe duto mag joka Ahab,+Kendo uluwo mana riekogi.
Mano e momiyo abiro miyo udong’ kulichKendo ji nobuog kendo liyo ka gineno jo ma odak e iye;+Ogendni mamoko biro jarou.”+
Weche Moler Piny
^ Kata, “inyis ng’wono kod hera madier.”
^ Kata, “kik ibuon ng’ato; kik idew wang’ ng’ato.”
^ Som Apendiks B14.