Nahum 1:1-15
1 Ma e gima dhi timore ne Nineve:+ Buk moting’o fweny ma Nahum* Ja-Elkosh ne oneno:
2 Jehova en Nyasaye ma chulo kuor kendo ma dwaro ni wachiwrene chuth;+Jehova chulo kuor kendo oikore olo mirimbe.+
Jehova chulo kuor ne jo ma piem kode,Kendo okano mirimbe ne wasike.
3 Jehova en Nyasaye ma iye ok wang’ piyo+ kendo tekone ng’eny,+Jehova ok obi weyo ma ok okumo joketho.+
Yore nie kalausi kod yamo mager,Kendo boche polo e buru monyono.+
4 Osiemo nam,+ kendo oduono pige;Omiyo aoche duto duono.+
Bashan gi Karmel ner,+Kendo maupe man Lebanon ner.
5 Omiyo gode madongo yiengni,Kendo gode matindo leny nono.+
Piny biro yiengni e nyime,Enoyiengni gi ji duto modak e iye.+
6 Ka iye owang’, ng’ano ma dichung’ e nyime?+
Kogolo mirimbe mager, ng’ano ma nyalo chung’?+
Ibiro ol mirimbe mana ka mach,Lwendni biro barore nikech en.
7 Jehova ber,+ en kar geng’ruok motegno e kinde masira.+
Odewo* jo ma manyo kar buok ire.+
8 Obiro yweyo kare* chuth gi ohula mopong’,Kendo mudho nolaw wasike.
9 Ang’o marach ma unyalo timo ne Jehova?
Okelo kethruok maduong’.
Masira ok nochak oduog mar ariyo.+
10 Gin kuthe mominore,Gichalo gi jo ma omadho kong’o momer;Kata kamano, ibiro wang’gi mana ka lum motwo.
11 Ng’at moro ma biro chano timo gima rach ne Jehova nowuog kuomu,Kong’adonu paro manono.
12 Ma e gima Jehova owacho:
“Kata obedo ni tekogi ng’eny kendo githoth,Ibiro gogi piny mi kargi nolal nono.*
Asesandou,* to koro ok abi sandou kendo.
13 Abiro golo jok ma otueyougo,+Mi anachod tondeu diriyo.
14 Jehova osechiko wachni kuomi,*‘Nyingi ok nolandre kendo.
Abiro ketho kido mopa kod mag mula manie ute* nyisecheuAbiro kunyo bur ma ibiro yikue nikech timbeu modwanyore.’
15 Neuru! Nitie tiend jal ma kelo weche mabeyo e gode,Jalo ma lando kuwe.+
Timuru sewni magu,+ yaye Juda, timuru kaka ne usingoru,Nimar jo maricho ok nochak okal e dieru kendo.*
Ibiro tiekgi chuth.”
Weche Moler Piny
^ Tiende ni, “Ng’at ma Hoyo Ji.”
^ Kata, “Orito.” Hibrania, “Ong’eyo.”
^ Tiende ni, Nineve.
^ Kata nyalo bedo, “mi okal e diergi.”
^ Tiende ni, Jo-Juda.
^ Tiende ni, Jo-Asuria.
^ Kata, “hekalu mag.”
^ Kata, “jo ma richo ok nochak omonju kendo.”
