Nahum 2:1-13
2 Ng’at ma keyo gik moko osebiro kedo kodi.*+
Rit uteni madongo.
Rit nderni magi.
Ikreuru ne lweny kendo chokuru tekou duto.
2 Jehova biro duoko sunga mar Jakobo,Kaachiel gi sunga mar Israel,Nimar jomonj oseyakogi;+Kendo giseketho bedegi mag mzabibu.
3 Okumbni mag jo rotekege owir gi rangi makwar,Thuondige orwako lewni makwar.
Nyinyo molosgo gechene mag lweny nyilni ka machChieng’ moikore ne lweny,Kendo tongege mag junipa ifwayo koni gi koni.
4 Geche mag lweny iriembo matek e nderni.
Giringo koni gi koni e laru mag dala.
Gichalo gi mach kendo gimil ka polo.
5 Obiro luongo jolweny mage.
Gibiro chwanyore ka giwuotho.
Gidhi mapiyo e ohingane;Gichungo rageng’ motegno.
6 Ibiro yaw rangeye mag aoche,Kendo od ruoth biro podho.
7 Oseng’ad wachno: Oseel duge,Oseting’e mi gidhi, kendo nyige koro ywage;Gigoyo korgi kendo giywak mana ka akuche.
8 Nineve+ osebedo mana ka yawo chakre chon,To koro giringo.
“Chung’uru! Chung’uru!”
To onge ng’at ma duogo.+
9 Yakuru fedha, yakuru dhahabu!
Mwandu ng’eny ma ok kwanre.
Opong’ gi mwandu mopogore opogore kendo ma nengogi tek.
10 Dala maduong’ odong’ nono, en gunda, okethore!+
Chunygi ridore, chongegi tuomore, nungogi tetni.
Wengegi opong’ gi luoro.
11 Ere ka ma sibuoche nodakie,+ ka ma sibuoche matindo chiemoe,Ka ma sibuor ne teroe nyithinde,Ma onge ng’at ma bwogogi?
12 Sibuor ne okidho le mang’eny ne nyithindeNe odeyogi ne monde.
Ode nopong’ gi chiemo,Ka modakie nopong’ gi le mosekidhi.
13 “Ne! Abiro kedo kodi,” Jehova Nyasach oganda lweny+ owacho,“Abiro wang’o gechene mag lweny e mach,+Kendo ligangla biro tieko sibuocheni.
Abiro tieko chiembi e piny,Kendo dwond jooteni ok nowinj kendo.”+
Weche Moler Piny
^ Tiende ni, Nineve.
