Ngeche 10:1-32
10 Ngeche mag Solomon.+
Wuoyi mariek miyo wuon-gi mor,+To wuoyi mofuwo miyo min-gi chuny lit.
2 Mwandu moyud e yo marach onge gi ohala,To tim makare e ma reso ng’ato e tho.+
3 Jehova ok bi weyo ng’at makare ori kech,+To otuono jaricho gima chunye gombo.
4 Lwedo manyap kelo dhier,+To lwet jakinda kelo mwandu.+
5 Wuoyi mariek choko cham ka piny ochako chiek,To wuoyi ma nindo kinde keyo kelo wich-kuot.+
6 Gueth ni e wi ng’at makare,+To dho joricho opando mahundu.
7 Ng’at makare noyud nying maber kaka gueth,+To ng’at marach nyinge notow.+
8 Ng’at mariek e chunye rwako puonj,+To ng’at ma wacho weche mofuwo ibiro nyon piny.+
9 Ng’at ma wuotho e tim matir nobed gi kuwe,+To ng’at ma wuotho e yore mobam ibiro juki.+
10 Ng’at ma ning’o wang’e gi wuond kelo kuyo,+To ng’at ma wacho weche mofuwo ibiro nyon piny.+
11 Dho ng’at makare en soko mar ngima,+To dho joricho opando mahundu.+
12 Sigu kelo miero,To hera umo richo duto.+
13 Rieko ni e dho ng’at mong’eyo pogo weche,+To luth en mar dier ng’e ng’at ma onge rieko.+
14 Jo mariek kano ng’eyo mana ka mwandu,+To dho ng’at mofuwo kelo kethruok.+
15 Mwandu mar jamoko en dalane mochiel motegno.
To dhier e kethruok mar jochan.+
16 Tij ng’at makare kelo ngima;To ohala mar ng’at marach kelo richo.+
17 Ng’at ma winjo weche mirieyego, mano e yor ngima,*To ng’at ma ok yie kikwere wito jomoko.
18 Ng’at ma pando sigu manie chunye wacho miriambo,+To ng’at ma keyo miriambo ofuwo.
19 Ka weche ng’eny, richo nyaka bedie,+To ng’at ma rito lewe riek.+
20 Lew ng’at makare chalo gi fedha mopwodhi,+
To chuny ng’at marach onge ohala.
21 Dho ng’at makare jiwo ji mang’eny,+To ng’at mofuwo tho nikech oonge rieko.+
22 Gueth mag Jehova e ma kelo ne ng’ato mwandu,+Kendo ok omedie lit.*
23 Ng’at mofuwo neno timbe ma kelo wich-kuot ka tugo,To ng’at ma weche donjone riek.+
24 Gima ng’at marach oluoro, nobine;To gima ng’at makare dwaro, nomiye.+
25 Ka yamo mager okutho, ng’at marach biro lal nono,+To ng’at makare en mise mogur nyaka chieng’.+
26 Mana kaka awayo nego lak, kendo yiro lungo wang’,E kaka jasamuoyo chalo ne ng’at ma oore.
27 Luoro Jehova medo ndalo,+To ndalo mag ng’at marach nobed machuok.+
28 Gima ng’at makare ogeno kelone mor,+To geno mar jo maricho biro lal nono.+
29 Yor Jehova e kar pondo ne ng’at ma onge ketho,+To en kethruok ne jo ma timo richo.+
30 Ng’at makare ok nogo piny ngang’,+To joricho ok nochak odag e piny.+
31 Dho ng’at makare golo weche mag rieko,To lep ma wacho weche maricho ibiro ng’ad oko.
32 Lew ng’at makare ong’eyo gima owinjore owachi,To dho jaricho ohero weche maricho.
