Ngeche 17:1-28
17 Ber bang’o makate motwo ka ma nitie kuwe+Moloyo ot mopong’ gi chiemo* kod dhawo.+
2 Jatich mariek biro bedo gi loch e wi wuoyi ma kuodo wich;Obiro yudo pok marom gi owete wuoyino.
3 Agulu ipwodhoe fedha, mach mager ilenyoe dhahabu,+To Jehova e ma nono chuny ji.+
4 Ng’at ma timbene richo chiko ite ne weche ma chuoyo chuny,To ja miriambo chiko ite ne kuoth maricho.+
5 Ng’at ma jaro jachan ochayo Jachuechne,+To ng’at mamor gi masira moyudo ng’ato nyaka yud kum.+
6 Nyikwayo gin osimbo ne jomoti,To wuone* e mor mar nyithindgi.
7 Weche matir ok nyal konyo ng’at mofuwo.+
To koro miriambo dikony ruoth nade!+
8 Mich chalo gi kidi ma nengone tek ne wuon-go;+Kamoro amora modhiye okelone ber.+
9 Ng’at ma weyo ne jomoko richo dwaro hera;+To ng’at ma siko ka wuoyo e wi wach moro pogo osiepe moherore.+
10 Siem mimiyo ng’at ma weche donjone konye+Moloyo chwado ng’at mofuwo nyadi mia achiel.+
11 Ng’at marach ohero mana piem,Ibiro orne jaote makwiny mondo ochwade.+
12 Romo gi dubu ma olalo nyithinde berMoloyo romo gi ng’at mofuwo e fupe.+
13 Ka ng’ato ochulo rach kar ber,Gik maricho ok noa e ode.+
14 Tugo dhawo chalo gi yawo ranga nam;Ka pok dhawo omuoch, wuogi.+
15 Ng’at ma miyo jaricho loyo bura kod ng’at ma keto ketho kuom ng’at makare+—Jehova osin gi ji ariyogo duto.
16 Ere tiende mondo ng’at mofuwo obed gi yo mar yudo riekoTo oonge gi chuny mar manyo rieko?+
17 Osiep madier nyiso hera ndalo duto+Kendo en owadu ma ne onyuol mondo okonyi chieng’ chandruok.+
18 Ng’at ma onge rieko moso nyawadgi kendo oyieSingo gimoro e nyim nyawadgi.+
19 Ng’at ma ohero ywaruok ohero richo.+
Ng’at ma ng’awo dho rangeyene malo manyo kethruok.+
20 Ng’at ma chunye obam weche ok bi dhine maber,+To ng’at ma wacho miriambo biro yudo masira.
21 Wuon wuoyi mofuwo nobed gi kuyo;Kendo wuon nyathi mofuwo onge mor.+
22 Chuny mamor chalo gi yath maber,+To chuny monyosore tieko teko ng’ato.*+
23 Ng’at marach biro kawo asoya aling’ ling’*Mondo oketh bura makare.+
24 Rieko nie nyim ng’at ma weche donjone,To wenge ng’at mofuwo bayo abaya nyaka e tung’ piny.+
25 Wuoyi mofuwo kelo kuyo ne wuon-giKod chuny lit ne ng’at ma ne onyuole.+
26 Ok en gima ber kumo ng’at makare,*Kata goyo jo ma imiyo luor.
27 Ng’at ma nigi ng’eyo rito dhoge,+To ng’at mong’eyo pogo weche hore mos.+
28 Kata ng’at mofuwo koling’, ikwane ka ng’at mariek,Kendo ng’at ma rito dhoge e ma ong’eyo pogo weche kare.
Weche Moler Piny
^ Hibrania, “misengni.”
^ Kata, “jonyuol.”
^ Kata, “tuoyo choke.”
^ Kata, “e law manie kore.”
^ Kata, “goyo ng’at makare fain.”
