Ngeche 18:1-24
18 Ng’at ma pogore gi jowetene luwo gombone owuon;Otamore luwo rieko duto ma nyalo konye.
2 Ng’at mofuwo ok dwar ng’eyo tiend weche;Odwaro mana elo gima nie chunye.+
3 Ka ng’at marach obiro, achaya bende biro,Kendo ka ma achaya nitie, wich-kuot bende ni kanyo.+
4 Weche manie dho ng’ato chalo gi nam matut.+
Soko mar rieko chalo gi aora ma bubni.
5 Ok en gima ber dewo wang’ ng’at ma timbene richo+Kata ketho buch ng’at makare.+
6 Weche mag ng’at mofuwo kelo mana dhawo,+Kendo weche moa e dhoge miyo ichwade.+
7 Dho ng’at mofuwo e ma kelone kethruok,+Kendo lewe keto ngimane e obadho.
8 Weche mag kuoth chalo gi chiemo mamit;*+Gidonjo adonja moriere nyaka e ich.+
9 Ng’at ma jasamuoyo e tichEn owadgi ng’at ma ketho gik moko.+
10 Nying Jehova en ohinga motegno.+
Ng’at makare ringo kanyo kendo oyudo ritruok.+
11 Mwandu mag jamoko chalone gi dala mochiel motegno;Oparo e chunye ni en ohinga ma doyudie ritruok.+
12 Ka masira pok obiro, chuny dhano ng’awore,+Kendo bolruok e ma kelo duong’.+
13 Ka ng’ato dwoko wach ka pok owinjo weche duto,Mano en fuwo kod wich-kuot.+
14 Chuny ng’ato nyalo miye teko kotuo,+To ng’ano ma dikony chuny monyosore chuth?+
15 Chuny ng’at ma winjo tiend wach bedo mariek,+Kendo it ng’at mariek manyo ng’eyo.
16 Mich ma ng’ato chiwo e ma yawone yo;+Michno miye thuolo mar chopo ir jo ma nigi duong’.
17 Ng’at mokwongo kelo wach nenore makare,+Nyaka ng’at machielono obi ma non wechene.+
18 Ombulu e ma tieko ywaruok e kind ji+Kendo othego thuondi ma piem.
19 Hoyo owadu ma iye owang’ tek moloyo yako dala mochiel motegno,+Kendo nitie ywaruok ma chalo gi lodi milorogo dho rangeye.+
20 Olemo ma dho ng’ato nyago e ma biro pong’o iye;+Gima dhoge owacho e ma biro yieng’e.
21 Lep nigi teko mar kelo tho kata ngima;+Jogo ma ohero tiyo kode biro chamo olemo monyago.+
22 Ng’at ma oyudo dhako maber oyudo gima ber,+Kendo oyudo ng’wono moa kuom Jehova.+
23 Jachan ka wuoyo to ywagore,Jamoko to dwoko gi gero.
24 Nitie osiepe ma oikore hinyo nyawadgi,+To nitie osiep ma makore gi nyawadgi moloyo kata owadgi.+
Weche Moler Piny
^ Kata, “othonje mamit.”
