Ngeche 24:1-34
24 Kik nyiego maki gi joricho,Kendo kik igomb bedo kanyachiel kodgi,+
2 Nimar chunygi paro mana mahundu,Kendo dhogi wacho mana weche ma kelo chandruok.
3 Rieko e ma gero ot,+Kendo lony e ma miyo ogurore motegno.
4 Ng’eyo e ma pong’o uteneGi gik mopogore opogore mabeyo kendo ma nengogi tek.+
5 Ng’at mariek nigi teko,+Kendo ng’at ma nigi ng’eyo medo teko.
6 Ibiro goyo lweny maber kiluwo kaka itayi gi jo mariek,+Kendo kokalo kuom jong’ad rieko mang’eny, ji loyo lweny.+
7 Rieko odhiero ng’at mofuwo;+Onge gima dowach e dho ranga dala.
8 Ng’ato ang’ata ma chano richoNoluong ni ja andhoga maduong’.+
9 Chenro mag ng’at mofuwo richo,Kendo ji osin gi ja ajara.+
10 Ka chunyi onyosore chieng’ chandruok,Tekoni nobed manok.
11 Res jo ma itero e tho,Kendo igeng’ jo ma wuotho ka tangni kochomo kar yeng’o.+
12 Kiwacho ni, “Ne ok wang’eyo wachni,”
Donge Jal ma nono chuny to ong’eyo?+
Ee, Ng’at ma ng’iyi biro ng’eyoKendo obiro chulo ng’ato ka ng’ato kaluwore gi timbene.+
13 Wuoda, cham mor kich nikech ober;Mor kich moa e peth kich mit.
14 Kamano bende, ng’e ni rieko ber ne chunyi.+
Kiyude, ngimani nodhi maberKendo gima igeno ok nolal nono.+
15 Kik ibut machiegni gi od ng’at makare mondo itimne gima rach;Kik iketh kare moyueyoe.
16 Nimar ng’at makare nyalo lwar dibiriyo, to obiro chung’ kendo,+Kata kamano, masira biro chwanyo jaricho.+
17 Ka jasiki opodho, kik imor,Ka ochwanyore, kik chunyi bed moil.+
18 Nono to Jehova biro neno mano mi enosin kodi,Kendo obiro golo mirimbe kuom jalo.+
19 Kik chunyi nyosre* nikech joricho;Kik nyiego omaki gi joricho,
20 Nimar jaricho onge gi geno kuom ndalo ma biro;+Taya mar ng’at marach ibiro negi.+
21 Wuoda, luor Jehova kod ruoth.+
To kik iriwri gi jo ma ng’anyo,+
22 Nimar masira nobinegi apoya.+
Ng’ano mong’eyo kethruok ma ji ariyogo* biro kelo?+
23 Magi bende gin weche mag jo mariek:
Dewo wang’ ng’ato e bura ok owinjore.+
24 Ng’at ma wacho ne jaricho ni, “In kare,”+
Ji biro kuong’e kendo ogendni biro kwede.
25 To weche nodhi maber ne jo ma kwere;+Giniyud gueth mang’eny.+
26 Ji biro nyodho dho ng’at ma dwoko wach ratiro.*+
27 Ik tijeni ma oko, kendo iik puotheni;Eka iger odi.
28 Kik ibed janeno ma wacho miriambo e wi nyawadu kayiem nono.+
Kik iriamb gi dhogi.+
29 Kik iwach niya: “Anatimne mana kaka notimona;Abiro chule kuom gima ne otimona.”*+
30 Ne akadho e but puoth jasamuoyo,+But puoth mzabibu mar ng’at ma onge rieko.
31 Ne aneno koyugno;Kuthe e ma ne oime,Kendo ohingane ne osegore piny.+
32 Ne anono wachno mi arwake e chunya;Ne anene mi apuonjora wachni:
33 Inindie matin, ayula wang’ okwanyie matin,Idol lweti matin mondo iyue,
34 Dhier biro monji ka jakuo,Kendo chandruok ka ng’at momanore gi gik lweny.+
Weche Moler Piny
^ Kata, “Kik mirima maki.”
^ Tiende ni, Jehova gi ruoth.
^ Kata nyalo bedo, “Dwoko wach ratiro chalo gi nyodho ng’ato.”
^ Kata, “Abiro chulo kuor.”
