Ngeche 31:1-31
31 Weche mag Ruoth Lemuel, weche matut ma min-gi nopuonje:+
2 Dawachni ang’o yaye wuoda,Yaye wuoda ma ne anyuolo,Wuoda ma ne asingorago?+
3 Kik imi mon tekreni,+Kata luwo yore moseketho ruodhi.+
4 Yaye Lemuel, ok en gima owinjore ne ruodhi,Ee, ok en gima owinjore ne ruodhi madho divaiOk owinjore mondo jotelo owach ni, “Ere divaina?”+
5 Mondo kik gimeth ma wigi wil kod chikKendo giketh ratiro mag jochan.
6 Mi jo ma chiegni tho kong’o+To jo ma chunygi lit mi divai.+
7 We gimeth mondo wigi owil gi dhier margi;We wigi owil gi chandruogegi.
8 Wuo e lo jo ma ok nyal wuoyo;Ked ne ratiro mag jo ma chiegni tho.+
9 Wuo e logi kendo ing’ad bura e yo makare;Ked ne ratiro mag jochan kod jodhier.+
א [Aleph]
10 Ng’ano ma nyalo yudo dhako malong’o?+
Nengone duong’ ahinya moloyo kite mag korol.
ב [Beth]
11 Chwore ogene gi chunye duto,Onge gima ber ma chwore oremo.
ג [Gimel]
12 E ngimane duto,Otimone chwore mana gik mabeyo, to ok maricho.
ד [Daleth]
13 Omanyo yie rombe kod kitani;Ohero tiyo gi lwetene.+
ה [He]
14 Ochalo gi meli mag ohala,+Okelo chiembe koa mabor.
ו [Waw]
15 Ochiewo kogwen ka piny pod mudho,Mondo omi joode chiemo
Kendo omi jotichne ma nyiri chiembgi.*+
ז [Zayin]
16 Omanyo puodho gi kinda, kendo ong’iewe;Opidho puoth mzabibu gi luche.
ח [Heth]
17 Oikore ne tich matek,+Kendo otego bedene.
ט [Teth]
18 Otimo kinda mondo ohande okelne yuto;Tache ok sim gotieno.
י [Yod]
19 Gir chuecho nie lwete,Ee, omako gir chwecho e lwete.+
כ [Kaph]
20 Orieyo lwete ne jachan,Kendo oyawo lwetene ne jo ma odhier.+
ל [Lamed]
21 Oonge parruok sa ma piny ng’ich,Nikech joode duto orwakore gi lewni mag koyo.
מ [Mem]
22 Oloso ongedene owuon.
Lepe gin mag kitani kod usi ma rajamna.
נ [Nun]
23 Chwore ong’ere e rangeye mag dala,+Ka ma obetie e kind jodong gweng’.
ס [Samekh]
24 Oloso lep kitani kendo ousogiOuso ne jo ohala misibe.
ע [Ayin]
25 Orwakore gi teko kod duong’,Kendo ok oluoro kinde mabiro.
פ [Pe]
26 Owuoyo gi rieko;+Chik mar ng’wono nie lewe.
צ [Tsade]
27 Orango maber weche mag ode,Kendo ok ocham chiemb samuoyo.+
ק [Qoph]
28 Nyithinde a malo kendo wacho ni en ng’at moguedhi;Chwore chung’ kendo pake.
ר [Resh]
29 Nitiere mon mang’eny ma kitgi long’o,To in iloyogi giduto.
ש [Shin]
30 Ber mar wang’ nyalo wuondo ji kendo chia bende rumo,+To dhako moluoro Jehova ibiro paki.+
ת [Taw]
31 Miye pok mowinjore gi gik motimo,+Kendo we tijene okelne pak e dho rangeye mag dala.+
Weche Moler Piny
^ Kata, “tich.”
