Ngeche 8:1-36
8 Donge rieko kok matek, koso?
Donge rieko mar pogo weche ting’o dwonde malo, koso?+
2 Ochung’ kuonde moting’ore malo+ e bath yo,Mana ka ma yore okagoree.
3 But dho rangeye ma dhi e dala maduong’,E dhoudi,Okok matek pile niya:+
4 “Yaye aluongou;Ating’o dwonda malo mondo ji duto owinja.
5 Un jo ma ng’eyogi tin, manyuru rieko;+Un jo mofuwo, beduru gi chuny ma winjo tiend wach.
6 Winjauru, nimar gima awachonu duong’,Dhoga wacho weche makare;
7 Dhoga wacho adiera gi dwol mapiny,Dhoga osin gi weche maricho.
8 Weche duto ma dhoga wacho ni kare.
Onge kata achiel kuomgi mobam.
9 Giriere ne jo ma ong’eyo pogo wecheKendo gin kare ne jo ma nigi ng’eyo.
10 Kawuru puonjna kar fedha,Kod ng’eyo kar dhahabu maler,+
11 Nimar rieko ber moloyo kite mag korol;
Onge gimoro amora maber ma dipimego.
12 An rieko, adak kanyachiel gi lony;Asenwang’o ng’eyo kod nyalo mar paro.+
13 Luoro Jehova en sin gi richo.+
Asin gi sunga, ng’ayi,+ timbe maricho, kod weche mochido.+
14 Ang’ado paro makare, kendo riekona konyo;+Winjo tiend wach+ kod teko+ gin maga.
15 Akonyo ruodhi locho,Kendo akonyo jotelo loso chike makare.+
16 Akonyo jotelo locho,Kendo akonyo joloch mondo ong’ad bura kare.
17 Ahero jo ma ohera,Kendo jo ma manya biro yuda.+
18 Mwandu kod duong’ gin maga,Ee, mwandu mosiko kod tim makare.
19 Gik ma anyago beyo moloyo dhahabu, ee, dhahabu maler,Kendo gik ma anyago beyo moloyo fedha maber.+
20 Awuotho e yor tim makare,E dier yore mag adiera;
21 Amiyo jo ma ohera pok maber,Kendo apong’o utegi mag keno.
22 Jehova ne ochueya kaka tichne mokwongo,+Motelo ne tijene machon.+
23 Ne ochueya chon ahinya,+E kar chakruok ka ne piny pok obetie.+
24 Ne onyuola ka pok ochue nembe,+Kata ka ne sokni ma bubni gi pi pod onge.
25 Ne onyuola ka ne gode madongo pok obetie,Ka ne pok olos gode matindo,
26 Ka ne pok ochueyo piny kod peweneKata mana lowo mar piny.
27 Ne oyudo antie ka ne oloso polo;+Kendo ka ne oketo tong’ mar nam,+
28 Ka ne oketo boche e polo,Ka ne oketo sokni mag nembe matut,
29 Ka ne oketo ne nam chikNi kik pige kal tong’ moketo,+Ka ne oguro mise mar piny,
30 E kindeno, ne an bute kaka jatich molony.+
An e ma nohera ahinya+ odiechieng’ kodiechieng’;Ne amor e nyime pile;+
31 Ne amor gi pinye ma ji ne nyalo dakie,Kendo ne amor ahinya gi yawuot dhano.
32 To koro yawuota, winjauru;Jo mamor gin jo ma rito yorena.
33 Winjuru puonj+ mondo ubed mariek,Kendo kik ujwang’e.
34 Ng’at mamor en ng’at ma winja,Ng’at ma mondo e dhooda pile ka pile,Ng’at ma rita e but sirni mag dhooda;
35 Nimar ng’at ma oyuda, noyud ngima,+Kendo Jehova oyie kode.
36 To ng’at ma ok winja hinyore owuon,Kendo jo mosin koda ohero tho.”+
