Obadia 1:1-21
1 Fweny ma ne omi Obadia:*
Ma e gima Jehova Wuon Loch Duto owacho e wi Edom:+
“Wasewinjo wach moa kuom Jehova,Oseor jaote ir ogendni:
‘Auru malo mondo waikre kedo kode.’”+
2 “Ne! Asemiyo ibedo matin moloyo ogendni mamoko;Osechayi ahinya.+
3 Sunga ma in-go e chunyi osewuondi,+In midak e i lwendni,Idak ka moting’ore malo, e momiyo iwacho e chunyi ni,‘En ng’ano ma diduoka piny?’
4 Jehova owacho kama: “Kata obedo ni igero odi malo* kaka otenga,Kendo igero odi malo e kind sulwe,Pod abiro duoki piny.”
5 “Ka jokuoge obiro iri, kata jomecho obiro gotieno,(To mano kaka ibiro kethi chuth!)*
Donge gibiro kwalo mana gik ma gidwaro?
Kata ka jopon mzabibu e ma obiro iri,Donge gibiro weyo mzabibu moko minyalo pon?+
6 To mano kaka gisemanyo mwandu mag Esau!
To mano kaka gisemanyo mwandune mopando!
7 Giseriembi nyaka e tong’ pinyi.
Jo ma ne itimogo singruok osewuondi.
Jo ma ne idakgo gi kuwe koro oseloyi.
Jo ma ichiemogo biro chikoni obadho,To ok ibi fwenyo mano.
8 E odiechieng’no,” Jehova owacho,“Abiro ketho jorieko duto man Edom,+Kendo onge rieko ma biro dong’ e gode mag Esau.
9 Yaye Teman,+ luoro maduong’ biro mako jolwenji ma thuondi,+Nikech ibiro neg ji duto man e gode mag Esau.+
10 Wich-kuot maduong’ nomaki,+Kendo ibiro tieki chuth,+Nikech gik maricho ma ne itimo ne Jakobo owadu.+
11 E odiechieng’ ma ne wasikgi moa e pinje mamoko omuko dho rangeyegi mi giterogi e tuech,+Ne uchung’ achung’a kuling’.
Kendo ne uriwogi lwedoKa ne giyako mwandu Jerusalem mi gipogogi gi ombulu.+
12 Ok onego inyier sa ma owadu chandore,+Kendo ok onego ibed mamor sa ma itieko Jo-Juda,+Bende, ok onego iwuo marach ka masira omakogi.
13 Ok onego ibi e dho ranga joga chieng’ ma masira oyudogi,+Ok onego inyiergi chieng’ ma giyudo chandruok,Kendo ok onego ikaw mwandugi chieng’ ma masira oyudogi.+
14 Ok onego ichung’ e akek yo mondo ineg joge motony,+Kendo ok onego ichiw joge motony e lwet wasigu.+
15 Nikech odiechieng Jehova ma obiro kumoe ogendni duto chiegni.+
Ibiro timni kaka ne itimo ne jomoko.+
Kendo timbeu maricho noduog e wiu uwegi.
16 Mana kaka ne usemetho e goda maler,E kaka ogendni biro metho pile.+
Adier, ginimeth kendo ginimuony,Mi ginibed ka jo ma ok ne nitie chuth.
17 Kata kamano, jo ma otony nobed e Got Sayun,+Kendo godno nobed maler;+Mi jood Jakobo biro kawo gigegi.+
18 Od Jakobo biro chalo gi mach,Od Josef biro chalo gi mach mager,To od Esau biro chalo gi lum;Gibiro wang’ogi ma gitiekgi chuth,Onge ng’ato ang’ata ma wuok e od Esau ma biro tony,+Nikech Jehova owuon e mosewacho kamano.
19 Gibiro kawo Negeb kaachiel gi pinje duto manie gode mag Esau,+Ginikaw Shefela gi piny Jo-Filistia.+
Gibiro kawo puothe mag Efraim kod puothe mag Samaria,+To Benjamin biro kawo Gilead.
20 Jo ma nodar kigolo e dalani,+Ee, mana oganda Israel, biro kawo piny Jo-Kanaan nyaka Zarefath.+
Kendo Jo-Jerusalem man Serafad ma noter tuech, biro kawo mier madongo duto mag Negeb.+
21 Kendo jo ma reso ji biro dhi e wi Got SayunMondo ging’ad bura ne pinje duto manie gode mag Esau,+Mi Jehova nobed Ruoth.”+
Weche Moler Piny
^ Tiende ni, “Jatich Jehova.”
^ Kata nyalo bedo, “ifuyo malo.”
^ Kata nyalo bedo, “Donge gibiro ketho giki mang’eny?”
