Rapar mar Chik 32:1-52
32 “A! polo, chik iti mondo awuo,We piny owinj weche ma wuok e dhoga.
2 Puonj mara biro chue ka koth;Wechena biro ton mos mos ka tho mokinyi,Ka koth ma nyidho e lumKendo ka koth ma chue e puothe.
3 Anahul nying Jehova.+
Abiro wuoyo e wi duong’ mar Nyasachwa!+
4 En Lwanda, tichne long’o chuth,+Nimar yorene duto ni kare.+
En Nyasaye ma jadiera+ ma ok nyal timo ne ng’ato gima ok kare;+Timbene ni kare, kendo en Nyasaye matir.+
5 Giserochore giwegi.+
Ok gin nyithinde, ketho en margi.+
Gin tieng’ mobam!+
6 Be mano e kaka onego utim ne Jehova adier?+Yaye, oganda mofuwo kendo ma onge rieko,+
Donge en e Wuonu mochueyou?+Donge en e ma nomiyo ubedo oganda?
7 Paruru ndalo machon;Paruru tienge mosekalo.
Penjuru wuoneu to gibiro nyisou;+Penjuru jodongu to giniwachnu.
8 Ka ne Ng’at Mamalo Chutho omiyo ogendni pinjegi,+Ka ne opogo nyikwa Adam odhi yore yore,+Noketo ne ogendni tong’ mar pinygi+Kaluwore gi kwand nyithind Jo-Israel.+
9 Nimar oganda Jehova gin mwandune;+Jakobo en mwandune.+
10 Noyude e thim+Thim malich ma ondiegi rutoe.+
Ne olwore koni gi koni morite maber+Norite mana ka tong wang’e.+
11 Mana kaka otenga yiengo odeMondo nyithinde owuogi,Koyaro buombene mondo okawgi,Kendo oting’ogi e buombene,+
12 E kaka Jehova owuon ne telonegi+Onge nyasaye machielo ma ne ni kode.+
13 Ne okonye loyo pinje moting’ore malo,+Ne opidhe gi gik monyak e lowo.+
Ne omiye mor kich ma chuer koa e lwandaKod mo ma wuok e lwanda,
14 Ne opidhe gi mor dhiang’ kod chag rombe,Kod rombe mabeyo moloyo,Gi yimbe moa Bashan, kod nyuogi,Kaachiel gi ngano maber;+Ne omadho divai makwar mar mzabibu.
15 Ka ne Jeshurun obedo machwe, ne ong’anyo koguecho matek.
Isebedo machwe, ee, dendi osebedo mojing’ kendo irabet.+
Kae to iweyo Nyasaye ma ne ochueyi,+Ma ichayo Lwanda mar resruokni.
16 Ne gimiyo mirima omako Nyasaye nikech ne gilamo nyiseche mamoko;+Ne gichwanye gi gik modwanyore.+
17 Ne gichiwo misengni ne jochiende, to ok ne Nyasaye,+Ne nyiseche ma ne ok ging’eyo,Nyiseche ma ne osieko machiegni,Nyiseche ma kweregi ne ok ong’eyo.
18 Wiyi nowil gi Lwanda+ ma nochueyi,Ne ok iparo Nyasaye ma nomiyi ngima.+
19 Jehova noneno gik ma ne yawuote gi nyige timoMi nojwang’ogi+ nikech ne giwang’o iye.
20 Omiyo ne owacho ni, ‘Abiro pandonegi wang’a;+Mondo ane gima biro timorenegi.
Nimar gin tieng’ morochore,+Nyithindo ma timbegi richo.+
21 Gisewang’o iya kuom lamo gima ok en nyasaye;+Gisechwanya gi sanamugi manono.+
Omiyo, an be abiro miyo nyiego omakgi ka atiyo gi oganda manono+Abiro wang’o igi ka atiyo gi oganda mofuwo.+
22 Nimar mirimba osemoko mach+Ma biro wang’o nyaka gik man piny e bwo Liel,*+Obiro wang’o piny kaachiel gi gik ma nyakieMowang’ nyaka mise mag gode.
23 Anamed masiche ma akelonegi;Kendo natiek kuomgi aserena duto.
24 Gibiro ol nikech kech+Kendo midhusi biro chwako dendgi ma tiekgi kendo masira malit biro goyogi,+
Abiro oronegi ondiegi mangemo mondo ochamgi,+Kendo abiro oronegi kwiri mag gik malak e lowo.
25 Ligangla noneg jo ma ni oko;+To jo ma nie udi nobed gi kibaji+Nobed kamano ne yawuoyi gi nyiri,Kaachiel gi nyithindo mayom gi jo ma oti.+
26 Ne anyalo wacho ni, “Abiro keyogi;Abiro miyo kargi lal nono, kendo kik chak pargi,”
27 Kata kamano, ne aluoro gima wasigu ne dhi wacho,+Wasigu ne nyalo kawo wachno marach.+
Ne ginyalo pakore ni: “Watimo magi gi tekowa;+Jehova ok e ma otimo magi duto.”
28 Nimar gin oganda mofuwo,Kendo onge ng’at mariek e kindgi.+
29 Mad ne gibedie jo mariek!+ Di ne giparo gima dhi timorenegi.+
Di ne gipenjore kama:+
30 Ere kaka ng’at achiel dilaw ji 1,000?To ji ariyo diriemb nade ji 10,000?+
Nyalore mana ka Lwandagi e ma ojwang’ogi+Mana ka Jehova e ma oketogi e lwet wasikgi.
31 Nimar lwanda mar wasikwa ok chal gi Lwandawa,+Kata mana wasikwa bende ong’eyo mano.+
32 Nimar mzabibu maggi owuok SodomGiwuok e puothe mag Gomora.+
Mzabibu maggi otimo kwiri,Kendo saga maggi kech.+
33 Divai margi chalo gi kwich thuonde mager,Divai margi en kwiri mager mar thuond rahi.
34 Donge ang’eyo timbeni duto,Donge akanogi duto e oda mar keno?+
35 Chulo kuor en mara, kendo an e ma achulo,+Kochopo kinde ma tiendgi kierie,+Nikech masira margi chiegni,Masira margi nobinegi piyo piyo.’
36 Nimar Jehova biro kumo joge,+Kendo obiro winjo malit ne jotichne+Koneno ka tekogi orumo,Kendo ni jo modong’ gin mana jo ma ok nyal, kendo ma yom yom.
37 Enowach niya, ‘Nyisechegi ni kanye,+Ere lwanda ma ne gidhi ire mondo okonygi,
38 Ere nyisechegi ma ne chamo boche mag misengni maggi,Kendo ma ne madho divai ma ne giolo piny kaka misango?+
We gibi mondo gikonyu.
We gibednu kar konyruok.
39 Sani to koro ng’euru ni an, an e Nyasaye,+Kendo onge nyasaye moro amora mak mana an.+
Anego, kendo achiwo ngima.+
Ahinyo,+ kendo achango,+Onge ng’at ma nyalo reso gimoro e lweta.+
40 Ating’o bada kakuong’ora,Ka asingora niya: “Kuom adier, an madak nyaka chieng’,”+
41 Ka apiago liganglana mamilMa aikora ne kelo kum,+Abiro chulo kuor kuom wasika+Kendo abiro chulo jogo duto mosin koda.
42 Anami asere maga omer gi remo,Kendo liganglana nocham ring’o,Nocham remb jo ma onegi gi jo ma omaki,Kaachiel gi wiye jotend wasigu.’
43 Moruru un ogendni, gi joge,+Nimar Nyasaye biro chulo kuor ne remb jotichne,+Kendo obiro chulo kuor kuom wasike+Obiro pwodho ne joge pinygi.”
44 Mi Musa nobiro mowacho weche duto mag wendno ka ji duto winjo.+ Nobiro gi Hoshea*+ wuod Nun.
45 Ka ne Musa osetieko wacho ne Jo-Israel wechegi duto,
46 nowachonegi niya: “Kanuru weche duto ma asiemougo kawuononi e chunyu+ kendo upuonjgi nyithindu mondo girit weche duto mag Chikni.+
47 Nikech ok gin weche manono, to gin ngimau.+ Kuritogi, ubiro dak aming’a e piny ma ubiro kawo ka useng’ado Aora Jordan.”
48 Odiechieng’no Jehova nowacho ne Musa niya:
49 “Idh god Abarim-ni,+ Got Nebo,+ man e piny Moab, mochomore gi Jeriko, mondo ine piny Kanaan ma amiyo Jo-Israel ka mwandugi.+
50 Kae to initho e wi got ma ibiro idhono, ma yiki mana ka kwereni, kaka Harun owadu notho e Got Hor+ moyike mana ka kwerene.
51 Nikech karu ji ariyo ne ok uwinjo wachna e kind Jo-Israel ka ne un e sokni mag Meriba+ man Kadesh e thim mar Zin. Ka ne un kuno, ne ok umiyo nyinga luor e nyim oganda Jo-Israel.+
52 Ibiro neno pinyno gi ka mabor, to ok inidonj e piny ma adhi miyo Jo-Israelno.”+
Weche Moler Piny
^ Hibrania, “Sheol.” Som Tiend Weche.
^ Mano e kaka ne iluongo Joshua chon. Hoshea en yo machuok mar luongo Hoshaya, ma tiende en “Mores gi Jah; Jah Oreso.”
