Rapar mar Chik 33:1-29
33 Ma e kaka Musa ng’at Nyasaye noguedho Jo-Israel ka ne ochiegni tho.+
2 Nowacho niya:
Jehova nobiro koa Sinai,+Kendo ne orienynegi gie Seir.
Ne orienynegi gi duong’ gie piny Paran motimo gode,+Kendo jo maler gana gi gana ne ni kode,+E bade korachwich ne nitie joge mag lweny.+
3 Ne ohero joge;+Jogo maler duto ni e lweti.+
Ne gibet e tiendi;+Ne gichako winjo wecheni.+
4 (Musa ne omiyowa chik+Mondo obed mwandu mar oganda joka Jakobo.)+
5 Nyasaye nobedo ruoth e Jeshurun,*+Kinde ma jodong oganda ne ochokore+Kanyachiel gi dhout Israel duto.+
6 Mad Jo-Reuben odag aming’a kendo kik girum,+Joge bende kik bed manok.”+
7 Juda to noguedho kama:+
“A Jehova, winj ywak Juda,+Kendo iduoke ir joge.
Nokedo ne ratiche gi lwete owuon,Mad ikonye mondo olo wasike.”+
8 Lawi to noguedho kama:+
“Ombuchi mar Thumim gi Urim+ nimiyo jal ma ne tiyoni gadiera,+Ne iteme ka en Masa.+
Ne ikedo kode e sokni mag Meriba,+
9 Jal ma ne owacho ni, ‘Ok adog ne wuonwa kata minwa.’
Bende, ne ok odok ne owetene,+Nyithinde bende ne ok odoknegi.
Nimar ne omako chikeni,Kendo ne orito singruok ma ne itimo kodgi.+
10 We gipuonj Jakobo bucheni.+
Kendo gipuonj Jo-Israel Chikni.+
We gichiw ubani mondo ogolni suya mamit+Kendo giwang’ni misango e kendo mari.+
11 A Jehova, guedh kinda mare,Kendo yie gi tich lwete.
Tiende jogo ma dwaro monje, itoMondo jo ma mon kode kik chak monje ngang’.”
12 Benjamin noguedho kama:+
“We odag gi kuwe nikech Jehova ohere;
Kendo oume seche duto,
Obiro dak e dier gokene.”
13 Josef to noguedho kama:+
“Jehova oguedh lope+Gi gik mabeyo moa e polo malo,Oguedhe gi achiya kod tho mokinyi,+
14 Kod gik mabeyo ma chieng’ nyago,Kod gik mabeyo ma nyak dwe ka dwe,+
15 Gi gik mabeyo mag gode madongo machon+Kod mag gode matindo ma nyaka nene,
16 Kaachiel gi gik mabeyo mag piny, kod gik moko duto manie iye,+Gi ng’wono mar Jal ma ne odak e bungu maliel.+
Guethgi duto onego obed e wi Josef,E wi osimbo mar jal ma ne oyier e kind owetene.+
17 Ber mare chal gi mar nyaruath makayo,Kendo tungene chalo gi tung jowi
Mobiro chwowogo ogendni dutoMoriembgi nyaka tung’ piny.
Tungego gin Jo-Efraim tara gi tara,+Kaachiel gi Jo-Manase gana gi gana.”
18 Zebulun to noguedho kama:+
“Un Jo-Zebulun, beduru mamor e wuodheu,Kendo un Jo-Isakar, beduru mamor e hembeu.+
19 Gibiro luongo ogendni e wi got
Kama gibiro chiwoe misengni mag tim makare.
Nimar gibiro yudo mwandu e nembe,Kod gik mabeyo mopondo e i kuoyo.”
20 Gad to noguedho niya:+
“Oguedh jalo ma yaro tong’ mar Jo-Gad.+
Gad chalo gi sibuor ma dhako monindo pinyKa yiecho bat, ee, ka yiecho wi gima omako.
21 Obiro yiero piny ka maber moloyo+Nikech kanyo e ma jachiw-chik oketone tenge.+
Jotend oganda biro chokore.
Gibiro luwo tim makare mar Jehova,Kendo gibiro rito buche ma nong’ado ne Israel.”
22 Dan to noguedho kama:+
“Dan chalo gi nyathi sibuor.+
Obiro chikore koa Bashan.”+
23 Naftali to noguedho kama:+
“Naftali nigi gik moko duto modwaroKendo opong’ gi gueth mag Jehova.
Kaw piny man yo podho chieng’ gi man yo milambo.”
24 Asher to noguedho kama:+
“Guedh Asher mondo obed gi nyithindo mang’eny.
Owetene bende mondo ohere.Kendo owuoth e i mo gi tiendene.
25 Lodi mag dhorangeyene obed mag chuma gi mag mula,+Kendo tekone omedre ndalo duto.
26 Onge nyasaye moro machal gi Nyasach Jeshurun,+Ma ringo e kor polo mondo okonyu
Kendo ma ringo gi tekone e boche polo.+
27 Nyasaye e kar buoku ma nyaka nene,+Oting’ou gi bedene mochwere.+
Kendo obiro riembonu wasigu+Mi ogol chik ni, ‘Neggi!’+
28 Israel biro dak gi kuwe,Kendo nyikwa Jakobo biro dak kargi kendgiE piny ma chiego cham gi divai manyien,+Piny ma tho moa e polo tonie maber.+
29 Mano kaka imor, A Israel!+
Be nitie ng’at machal kodi,+Ng’at ma Jehova owaro,+Kendo ma enie okumbane+Kendo ma enie liganglane man gi teko.
Wasiku biro kirni e nyimu,+Kendo ubiro nyono tokgi.”
Weche Moler Piny
^ Tiende ni, “Jaratiro,” ma en nying midendogo Israel.
