Wer Mamit Moloyo Wende Duto 2:1-17
2 “An mana maua mar safron ma twi e pap,An mana maua ma dongo e pewe.”+
2 “Kaka maua e kind kutheE kaka jaherana chalo e kind nyiri.”
3 “Kaka yadh olemo* e kind yiende bungu,E kaka jaherana chalo e kind yawuoyi.
Agombo ahinya bet e tipone,Kendo olembene mitna sidang’.
4 Ne otera e od chiemo,*Mi noliero bendech hera kuoma.*
5 Duog chunya gi mzabibu motwo;+Pidha gi olemo,*Nimar hera nega.
6 Bade ma koracham oteno wiya,To bade ma korachwich okwaka.+
7 Un nyi Jerusalem, kuong’renauruGi nying mwanda+ kod nyakech manie thim:
Ni kik uchuna gi hera nyaka obi kende.+
8 Awinjo dwond jaherana!
E cha! Obiro!Oidho gode kendo ochikore e kor gode kobiro.
9 Jaherana chalo gi mwanda, ochalo nyakech ma chikore.+
E cha, ochung’ e tok ohingawaOng’icho gie dirisa.Ee, ong’icho gie dirisa mokenyore.
10 Jaherana wachona niya:
‘A malo jaherana,Yaye, oberana, bi wadhi kodi.
11 Ne! Ndalo chwiri osekadho.
Kendo koth oselal.
12 Maupe osechako loth e pap,+Kinde milweroe mzabibu bende osechopo,+Dwond akuche bende wer e pinywa.+
13 Ng’owo osechiek;+Maupe mag mzabibu osemoyo kendo golo suya mamit.
A malo jaherana, wuog wadhi.
Yaye oberana, bi wadhi kodi.
14 Yaye, akucha mosokore e kor lwanda,+E buche manie kor got ma rabora,Yie anee wang’i kendo awinjie dwondi,+Nimar dwondi mit kendo ijaber.’”+
15 “Yaye, jowadwa, maknwauru bwe,Maknwauru bwe matindo ma ketho puothewa mag mzabibu,Nimar mzabibuwa osethiewo.”
16 “Jaherana en mara, to an mare.+
Okwayo+ e pewe mag maua.+
17 Ka piny okuwe kendo tipo bende olal nono,Iduog piyo, yaye jaherana,Duog piyo mana ka mwanda+ kata ka nyathi nyakech+ modak e gode madongo manie kindwa.*
Weche Moler Piny
^ E dho Kisungu en apple.
^ Hibrania, “ot mimadhoe divai.”
^ Kata, “Kendo ji duto ne nyalo neno ni ohera.”
^ E dho Kisungu en apple.
^ Kata, “gode mag Bether.”
