Wer Mamit Moloyo Wende Duto 4:1-16
4 “Mano kaka ijaber jaherana!
A, ijaber miwuoro!
Wengeni miumo gi law chalo gi wenge akuru!
Yie wiyi chalo kueth mag diekMa ridore e gode mag Gilead.+
2 Lekeni tar mana ka rombe moa lielKa rombe molwok maler.Giduto ginyuolo rude,Kendo onge kata achiel moselalo nyathine.
3 Dhogi kwar mana ka usi makwar,Kendo wecheni mit!
Lembi miumo*Chalo gi olemb komamanga mobar.
4 Ng’uti+ chalo gi ohinga mar Daudi+Moger gi kite modhi malo,Molierie okumbni aluf achiel,Okumbni molworore mag jo ma thuondi.+
5 Thundeni ariyo chalo gi nyithi mwanda ariyo,Nyithi mwanda ma rude,+Ma kwayo e dier maupe.”*
6 “Ka pok yamo mokue ochako kutho kendo tipo bende olal nono,Abiro dhi e god manemaneKendo e god ubani.”+
7 “Yaye jaherana! Gik moko te beyo kuomi,+Onge mbala kata achiel kuomi.
8 Jaherana, wawuog Lebanon,Bi waa Lebanon.+
Lor e got Amana,Lor e got Senir, kod got Hermon,+Kuonde ma sibuor gi kwach odakie.
9 Aheri gi chunya duto jaherana,+ yaye nyamera,Wang’ ming’iyago dichiel kende otoya,Inyong’a gi tigo ma iliero e ng’uti!
10 Yo minyisogo hera mora matek,+ yaye jaherana, nyamera,
Yo minyisogo hera moro chunya moloyo divai,+Kendo mo miwirorigo dum mamit moloyo modhi duto.+
11 Jaherana, mor kich ndong’ e dhogi.+
Mor kich gi chak opong’o lewi,+Kendo lepi golo suya mamit ka yiend Lebanon.
12 Nyamera, jaherana ichalo gi puodho ma jaber mochiel motegno,Ka puodho mochiel, kendo ka soko molor dhoge motegno.
13 Ichal* gi puodho ma jaber mopidhie komamangaMopidhie olembe mabeyo moloyo, kaachiel gi henna, kod yiende mag kofer,
14 Ee, maua mar kofer+ kod safron, odundu ma nigi suya mamit+ kod dalasini,+Kod kit yien man gi manemane, ubani, kod aloe,+Kaachiel gi yiende mamoko duto ma bende golo suya mamit.+
15 Ichal soko manie puodho mapige liw kendo ler.Ichal ka aoche mamol kowuok Lebanon.+
16 In yamb nyandwat, tugri!In yamb milambo, bi.
Kudhi* e puotha,
Mondo tikne mang’we ng’ar olandre.”
“We mondo jaherana obi e puotheMondo ocham olembene mabeyo.”
Weche Moler Piny
^ Kata, “miumo gi law.”
^ Tiende ni, maupe mag ondanyo.
^ Kata nyalo bedo, “Pien dendi.”
^ Kata, “Kudhi mokue.”
