Wer Mamit Moloyo Wende Duto 8:1-14
-
Nyako (1-4)
-
“Dabedie ni in owadwa” (1)
-
-
Owete gi nyako (5a)
-
‘Macha ng’a, mokwako jaheranecha?’
-
-
Nyako (5b-7)
-
“Hera nigi teko mana ka tho” (6)
-
-
Owete gi nyako (8, 9)
-
“Ka en ohinga, . . . to ka en dhoot, . . .” (9)
-
-
Nyako (10-12)
-
“An ohinga” (10)
-
-
Jakwath (13)
-
‘Yie awinjie dwondi’
-
-
Nyako (14)
-
“Bi gi ng’wech ka mwanda”
-
8 “Dabedie ni in owadwaMa ne wadhodhogo thuno achiel!
Danyodhi ka aromo kodi,+Kendo onge ng’at ma dikweda ka atimo kamano.
2 Dateri e od mamana;Mana minwa ma ne opuonja.+Damiyi divai moruw gi gik mamit,
Damiyi pi mamitMar olemb komamanga molos mana sano.
3 Bade ma koracham doteno wiya,To bade ma korachwich dokwaka.+
4 Un nyi Jerusalem, kuong’renauru:
Ni kik uchuna gi hera nyaka obi kende.”+
5 “Macha ng’a ma biro kowuok e thimKokwako jaherane?”
“Ne achiewi e bwo yadh olemo.*
Ka ma ne muoch okayoe mamau ka ne en gi ichni.
Kanyo e ma ne muoch okayoe dhako ma ne onyuoli.
6 Keta e chunyi ka muhuri,*Ka muhuri mogo e bat,Nimar hera nigi teko mana ka tho,+Kendo hera matut nigi teko mana ka Liel* ma ok nyal lo.
Obebni ka mach ma kakni, ee, obebni ka mach mar Jah.*+
7 Kata mana pi mopong’ manade ok nyal nego hera,+Kata mana aoche ok nyal yweye molal.+
Kata ka po ni ng’ato dichiw mwandune duto mondo oyud hera,Pod inyalo mana jare.”
8 “Wan gi nyaminwa moro ma pod tin+Ma thundene pok owuok.
Koro wabiro time nadeChieng’ ma wuoyi moro nobi ni dware?”
9 “Ka en ohinga,Wabiro duso wi ohingano gi fedha,To ka en dhoot,To wabiro dine gi bepe mag sida.”
10 “An ohinga,Kendo thundena chalo gi ot modhi malo.
Omiyo, jaherana nyalo nenoNi chunya okuwe.
11 Solomon ne nigi puoth mzabibu+ Baal-hamon.
Ne oketo puodhono e lwet jopur.
Kendo moro ka moro kuom jopurgo ne miyega fedha aluf achiel kuom olembe ma gikayo e puodhono.
12 An gi puotha awuon mar mzabibu.
Yaye, Solomon, fedha aluf achielgo gin magi.To fedha mia ariyo gin mag jo ma tiyoni e puoth olemo.”
13 “Yaye, in mohero riyo e puodho,+Osiepeni ohero winjo dwondi ahinya.
An bende we awinjie dwondi.”+
14 “Reti, jaherana,Bi gi ng’wech ka mwanda+Kata ka nyathi ngauE wi gode ma maupene golo suya mamit.”
Weche Moler Piny
^ E dho Kisungu en apple.
^ Som Tiend Weche.
^ “Jah” en nying Jehova e yo machuok.
^ Kata, “kido.”
