Zaburi 103:1-22
Zaburi mar Daudi.
103 Weuru apakie Jehova.
Denda duto mondo opak nyinge maler.
2 Weuru apakie Jehova,Wiya kik wil gi gik moko duto mosetimo.+
3 En e moweyoni kethoni duto,+Kendo ochango tuocheni duto.+
4 Oreso ngimani kogoli e liel,+Kendo orwakoni hera kod ng’wono kaka osimbo.+
5 Omiyi gik moko duto mabeyo+ e ngimani,Mondo isik ka itin kendo ka in gi teko kaka otenga.+
6 Jehova ng’ado bura makare ne jo ma isando,+Otimonegi gik makare.+
7 Ne onyiso Musa yorene,+Bende, nonyiso Jo-Israel tijene.+
8 Jehova en Nyasaye mang’won kendo ma kecho ji,+Iye ok wang’ piyo, kendo herane mogundho osiko.+
9 Ok osik komanyo ketho kuom ji,+Bende, ok okan mirimbe nyaka chieng’.+
10 Ok omiwa kum e okang’ ma romre gi richowa,+Bende, ok ochulwa ma romre gi kethowa.+
11 Nimar mana kaka polo ni malo moloyo piny,E kaka herane monyiso jo moluore duong’ ahinya.+
12 Osewito kethowa mabor kodwaMana kaka wuok chieng’ bor gi podho chieng’.+
13 Mana kaka wuoro kechoga nyithinde,E kaka Jehova kechoga jo moluore.+
14 Nimar ong’eyo kaka ochueyowa,+Ong’eyo maler ni wan mana buru.+
15 Ndalo mag dhano chalo gi mag lum,+Oloth piyo ka maua me pap.+
16 To ka yamo okutho, olal nono,Mana ka gima ne oonge.
17 To hera ma Jehova oherogo jo moluoreOsiko nyaka chieng’.+Bende, otimo maber ne nyikwagi,+
18 Ma rito singruokne,+Kod jo ma rito chikene adimba.
19 Jehova oseguro kom-lochne motegno e polo;+Kendo gik moko duto nie bwo lochne.+
20 Pakuru Jehova, un malaike+ ma roteke,Ma winjo wachne+ kendo timo dwache.
21 Pakuru Jehova, un oganda maduong’ me polo,+Un jotichne ma timo dwache, pakeuru.+
22 Pakuru Jehova, un chuechne dutoManie bwo lochne.
Mad denda duto opak Jehova.
