Zaburi 104:1-35
104 Yaye chunya, pak Jehova.+
A Jehova Nyasacha, mano kaka iduong’!+
Irwakori gi luor kod duong’.+
2 Irwakori gi ler+ mana ka nanga,Iyaro polo mana kaka hema.+
3 Igero sirni mag odi e wi pige manie boche polo.+Boche polo e ma iidho ka gachi mar lweny,+Iwuotho e buombe yamo.+
4 Omiyo malaikene bedo chuech ma nigi teko,Kendo omiyo jotichne bedo mach mager.+
5 Oseguro piny motegno e wi misene,+Piny ok bi yiengni nyaka chieng’.+
6 Ne iume gi nembe matut mana kaka ng’ato dium gimoro gi nanga,+
Kendo pigego noimo gode.
7 Ka ne ikwero pigego, ne giringo,+Ka ne giwinji kimor ka mor polo kibaji nomakogi ma giringo.
8 Ne gimol e gode+ ka giridore e hohni,Ne giridore nyaka kuonde ma ne iselosonegi.
9 Eka niketo ne pigego tong’ ma ok ginyal kadho,+
Mondo kik gichak giim piny kendo.
10 Imiyo sokni bubni e hohni,Kendo gimol e kind gode.
11 Kamano le mag bungu duto yudo pi modho,Kendo punde mag bungu loyo riyo ma gin-go.
12 Winy gero utegi e yiende manie bath pigegoGiywak mamit.
13 Osemiyo koth ochue e wi gode koa e dalane manie polo.+
Osemiyo piny onyago olembe nikech tijene madongo.+
14 Omiyo lum dongo ne jamni,Kendo alode ne dhano.+Mondo chiemo onyag koa e lowo
15 Kod divai ma miyo chuny dhano mor,+Gi mo ma miyo lela wang’ rieny,Kaachiel gi makate ma miyo dhano bedo motegno.+
16 Yiende Jehova yudo pi moromogi,Yiendego gin sida mag Lebanon ma nopidho,
17 Winy gero utegi e bede yiendego.
Winj ogungo+ odak e yiende mag junipa.
18 Diek mag gode+ odak e gode maboyo,To apwoch-lwanda+ odak e lwendni.
19 Osechueyo dwe mondo okony e pogo kinde;Wang’ chieng’ bende ong’eyo seche monego opodhie.+
20 Sa mikelo mudho to piny yuso,+Kendo le mag bungu duto bayo oko.
21 Sibuoche motegno ruto ka manyo chiemo,+Gimanyo chiemo ma Nyasaye omiyogi.+
22 Ka chieng’ owuok,Gidok nindo e kuonde ma gidakie.
23 Dhano dhi e tije,Kendo otiyo nyaka odhiambo.
24 A Jehova, to mano kaka gik michueyo ng’eny miwuoro!+
Ne ichueyogi gi rieko miwuoro.+
Piny opong’ gi gik michueyo.
25 Nichueyo nam maduong’ kendo malach,Mopong’ gi gik mangima madongo kod matindo.+
26 Yie ringo e nam,Kendo Levayathan*+ tugo e iye.
27 Giduto ging’iyi mondo imigi chiemoE kinde mowinjore.+
28 Gima imiyogi e ma gichamo,+
Ka iyawonegi lweti to giyieng’ gi gik mabeyo.+
29 Kipandonegi wang’i to gichandore,Kigolo muchgi to githo mi gidog e lowo.+
30 Kioro roho mari to ichueyo gik moko,+Kendo imiyo piny bedo manyien.
31 Duong’ mar Jehova biro siko nyaka chieng’,Jehova mor gi gik ma nochueyo.+
32 Kong’iyo piny, to piny yiengni,Komulo gode, to gigolo yiro.+
33 Abiro wer ne Jehova+ e ngimana duto,Adier, abiro wer ne Nyasacha kinde duto ma pod angima.+
34 Mad gik ma aparo e chunya* omiye mor,Jehova e ma miya mor.
35 Joricho biro rumo e piny,Jo ma timbegi richo ok nobedie kendo.+
Pak Jehova yaye chunya. Pakuru Jah.*
Weche Moler Piny
^ Som Tiend Weche.
^ Kata nyalo bedo, “ma aparo matut kuome.”
^ Kata, “Haleluyah!” “Yah” kata “Jah” en nying Jehova e yo machuok.
