Zaburi 107:1-43
(Zaburi 107-150)
107 Gouru ne Jehova erokamano nimar ober;+Herane osiko nyaka chieng’.+
2 Jo ma Jehova nowaro mondo owach kamano,Jogo ma noreso e lwet jasigu.+
3 Jo ma nochoko kogolo e pinje,+Chakre yo wuok chieng’ nyaka yo podho chieng’,Kendo kowuok milambo nyaka nyandwat.+
4 Ne girundore arunda e thim;Ne ok giyudo dala maduong’ ma ginyalo dakie.
5 Kech nokayogi kendo riyo noloyogi,Mi chunygi nool ahinya.
6 Ne gisiko giywagore ne Jehova mondo ogolgi e chandruogegi;+Nowinjogi moresogi.+
7 Notelonegi e yo moriere tir,+Nyaka e dala maduong’ ma ne ginyalo dakie.+
8 Ji mondo ogo ne Jehova erokamano+ nikech herane osiko,Kendo nikech gik madongo mosetimo ne dhano.+
9 Nimar osetieko riyo ne jo ma riyo oloyo,Kendo oseyieng’o jo ma kech kayo gi gik mabeyo.+
10 Moko kuomgi nodak e mudho mandiwa,Kaka mabuse ma sandore motue gi nyoroche.
11 Nikech ne ging’anyo ma giweyo wach Nyasaye,Ne gichayo rieko mar Ng’at Mamalo Chutho.+
12 Kuom mano, noweyo gichandore mondo chunygi obolre,+Ne gichwanyore, kendo onge ng’at ma ne nyalo konyogi.
13 Ne giywagore ne Jehova mondo ogolgi e chandruogegi;Nowinjogi moresogi.
14 Ne ogologi e mudho mandiwa,Moturo nyoroche ma notwegigo.+
15 Ji mondo ogo ne Jehova erokamano nikech herane osiko,+Kendo nikech gik madongo mosetimo ne dhano.
16 Nimar osemuko dhoudi molos gi mula,Kendo oturo sirni molos gi chuma.+
17 Moko kuomgi ma nofuwo nosandore+Nikech timbegi maricho.+
18 Dhogi ne rach kendo ne ok gigomb chiemo,Omiyo, ne gichiegni tho.
19 Ne giywagore ne Jehova mondo ogolgi e chandruogegi;Nowinjogi moresogi.
20 Ne ooro wachne mi nochangogi;+Ne oresogi e lak tho.
21 Ji mondo ogo ne Jehova erokamano nikech herane osiko,Kendo nikech gik madongo mosetimo ne dhano.
22 Onego gigone erokamano gi misengni,+Kendo gipak tijene gi wende.
23 Moko kuomgi kwang’ e nam gi meli,Gitimo ohala ka giyoro nembe madongo.+
24 Giseneno tije Jehova,Kendo giseneno gik madongo mosetimo e nembe;+
25 Kaka nogolo chik mi ahiti otugore,+Momiyo apaka ochako tagore e nam.
26 Apaka nodirogi e kor yamo,Monyumogi kuonde matut mogik.
Chir ma ne gin-go nolal nono nikech masira ma nojukogino.
27 Ne gitagore kendo gichwanyore ka jo momer,Rieko duto ma ne gin-go ne ok nyal konyogi.+
28 Eka ne giywagore ne Jehova mondo ogolgi e chandruogegi;+Nowinjogi moresogi.
29 Ne okueyo ahitino;Apaka bende noling’ thi.+
30 Ne gimor ka nam nokuwe,Kendo notelonegi nyaka e dho wath ma ne gidwaro gowoe.
31 Ji mondo ogo ne Jehova erokamano nikech herane osiko,Kendo nikech gik madongo mosetimo ne dhano.+
32 Onego gihul duong’ne e chokruok mar joge,+Kendo gipake e bura mar jodongo.
33 Ne oloko aoche mobedo kuonde motwo,Kendo sokni ma ne mol nolokore ongoro.+
34 Ne oloko lowo ma ne nyak maber obedo lowo motimo chumbi,+Nikech timbe maricho mag jo ma nodak e pinyno.
35 Noloko thim mobedo yewni mag pi,Kendo lowo motwo nolokore sokni mamol.+
36 Omiyo jo ma odenyo dak kuondego,+Mondo giger dala maduong’ ma ginyalo dakie.+
37 Ne gikomo kendo ne gipidho mzabibu,+Mi ne giyudo cham mogundho.+
38 Ne oguedhogi mi gibedo jo mang’eny ahinya;Ne ok oyie mondo kwan jambgi odog chien.+
39 Kata kamano, kwan jogo nochako obedo matin, kendo ji nochako chayogi,Nikech sand, masiche, kod kuyo ma noyudogi.
40 Okuodo wi jo ma nigi teko,*Kendo oweyo mondo girundre arunda e thim.+
41 To noreso jochan e thagruokgi,+Momiyo ginyuolore mi gibedo mang’eny ka jamni.
42 Jo matir koneno mano to gibedo mamor,+To jo ma ok kare dhogi moko.+
43 Ng’at mariek biro paro wechegi,+Kendo obiro paro matut gik ma Jehova osetimo nikech herane mosiko.+
Weche Moler Piny
^ Hibrania, “Oolo achaya kuom jo ma nigi teko.”
