Zaburi 111:1-10
111 Pakuru Jah!*+
א [Aleph]
Abiro pako Jehova gi chunya duto+ב [Beth]E dier buch jo matir, kendo e chokruok.
ג [Gimel]
2 Tije mag Jehova dongo;+ד [Daleth]Jo mohero tijenego e ma nonogi matut.+
ה [He]
3 Timbene dongo kendo lich miwuoro,ו [Waw]Kendo timne makare osiko nyaka chieng’.+
ז [Zayin]
4 Osemiyo ji paro honni mage.+
ח [Heth]
Jehova ng’won kendo okecho ji.+
ט [Teth]
5 Omiyo jo moluore chiemo.+
י [Yod]
Oparo singruok ma notimo nyaka chieng’.+
כ [Kaph]
6 Osenyiso joge tijene madongoל [Lamed]Kuom miyogi pinje mag ogendni mamoko.+
מ [Mem]
7 Gik ma lwete timo ni kare kendo gin adiera;+נ [Nun]Chikene duto inyalo gen.+
ס [Samekh]
8 Inyalo gen-gi kinde duto nyaka chieng’;ע [Ayin]Gigurore e adiera kod tim makare.+
פ [Pe]
9 Osewaro joge.+
צ [Tsade]
Ne ochiko ni singruokne biro siko nyaka chieng’.
ק [Qoph]
Nyinge ler kendo lich miwuoro.+
ר [Resh]
10 Luoro Jehova e chakruok mar rieko.+
ש [Sin]
Jogo duto ma rito chikene nyiso ni giriek.+
ת [Taw]
Ibiro pake nyaka chieng’.
Weche Moler Piny
^ Kata, “Haleluyah!” “Yah” kata “Jah” en nying Jehova e yo machuok.
