Zaburi 115:1-18
115 A Jehova, nyingi e monego omi duong’To ok wan+Nikech inyisowa hera mosiko kendo in ja adiera.+
2 Kik iwe ogendni owach niya:
“Ere Nyasachgino?”+
3 Nyasachwa nie polo,Otimo gimoro amora modwaro.
4 Sanamu maggi gin mag fedha gi dhahabu,Kendo lwet dhano e molosogi.+
5 Gin gi dhok, to ok ginyal wuoyo;+Gin gi wang’, to ok ginyal neno.
6 Gin gi it, to ok ginyal winjo;Gin gi um, to ok ginyal ng’weyo gimoro.
7 Gin gi lwedo, to ok ginyal mako gimoro;Gin gi tielo, to ok ginyal wuotho;+
Dwondgi bende ok nyal golo wach.+
8 Ji duto ma losogi biro chalo kodgi,+Kendo jo mogenogi nochal kodgi.+
9 A un Jo-Israel, genuru Jehova;+En e mokonyou kendo en e okumbau.+
10 A un dhood Harun,+ genuru Jehova;En e mokonyou kendo en e okumbau.
11 Yaye un jo moluoro Jehova, genuru Jehova;+En e mokonyou kendo en e okumbau.+
12 Jehova parowa kendo obiro guedhowa;Obiro guedho dhood Israel,+Kendo obiro guedho dhood Harun.
13 Jehova biro guedho jo moluore,Bed ni gin jo madongo kata jo matindo.
14 Jehova biro miyo umedru,Un kaachiel gi nyithindu.+
15 Mad uyud gueth moa kuom Jehova+Jachuech polo gi piny.+
16 Polo en mar Jehova,+To piny osechiwo ne dhano.+
17 Jo motho ok nyal pako Jah;+Jo moseyik moling’ thi e bur ok nyal pake.+
18 Wan to wanapak JahChakre sani kendo nyaka chieng’.
Pakuru Jah!*
Weche Moler Piny
^ Kata, “Haleluyah!” “Yah” kata “Jah” en nying Jehova e yo machuok.
