Zaburi 118:1-29
118 Gouru ne Jehova erokamano, nimar ober;+Herane osiko nyaka chieng’.
2 Jo-Israel mondo owach niya:
“Herane osiko nyaka chieng’.”
3 Dhood Harun mondo owach niya:
“Herane osiko nyaka chieng’.”
4 Jo moluoro Jehova mondo owach niya:
“Herane osiko nyaka chieng’.”
5 Ka ne achandora, ne aluongo Jah;*Jah nodwoka moketa ka mokuwe.*+
6 Jehova en jakora; ok abi luor.+
Dhano adhana ditimna ang’o?+
7 Jehova en jakora, kendo obiro konya;*+Abiro neno ka oloyo jo mosin koda.+
8 Ber geno JehovaMoloyo geno dhano.+
9 Ber geno JehovaMoloyo geno jotelo.+
10 Ogendni duto nolwora koni gi koni,To ne atiekogi gidutoE nying Jehova.+
11 Ne gilwora koni gi koni,To ne atiekogi gidutoE nying Jehova.
12 Ne ginur kuoma ka kich,To mapiyo nono ne oneggi mana kaka inego mach momako bungu.
Ne atiekogi gidutoE nying Jehova.+
13 Ne gidhira matek mondo apodhi,*To Jehova nokonya.
14 Jah e kar bwokna kendo en e tekona,Kendo osebedo Jawarna.+
15 Koko mag mor kod mag lochoWinjore e i hembe mag jo makare.
Lwet Jehova ma korachwich osetimo gik madongo.+
16 Lwet Jehova ma korachwich oselocho.
Lwet Jehova ma korachwich osetimo gik madongo.+
17 Ok abi tho, to abiro bedo mangima,Mondo ahul gik madongo ma Jah osetimo.+
18 Jah nokuma malit ahinya,+Kata kamano, ne ok oweyo mondo atho.+
19 Yawna dho rangeye mag tim makare,+Mondo adonj apak Jah.
20 Mano e dho ranga Jehova,Ma jo makare biro donjogo.+
21 Abiro paki nikech ne iwinjo ywakna,+Kendo ne ibedo jawarna.
22 Kidi ma jogedo ne odagiOsebedo kidi moriwo kor ot.+
23 Jehova owuon osetimo mano,+Kendo en gima bernwa.+
24 Jehova oselosonwa odiechiengniMondo wabed mamor kendo wail.
25 Yaye Jehova, wakwayi mondo ireswa!
Jehova wakwayi mondo imi waloch!
26 Ng’at ma biro e nying Jehova en ng’at moguedh.+Wagwedhou gie od Jehova.
27 Jehova en NyasayeOmiyowa ler.+
Riwreuru gi oganda ma wuotho koting’o bede yien,+Nyaka uchop e tunge mag kendo mar misango.+
28 In e Nyasacha, kendo abiro paki;In e Nyasacha ma abiro miyo duong’.+
29 Gouru ne Jehova erokamano,+ nimar ober;Herane osiko nyaka chieng’.+
Weche Moler Piny
^ “Jah” en nying Jehova e yo machuok.
^ Kata, “ka malach.”
^ Kata nyalo bedo, “kaachiel gi jo ma konya.”
^ Kata nyalo bedo, “Ne idhira matek mondo apodhi.”
