Zaburi 119:1-176
א [Aleph]
119 Jo mamor gin jo ma onge ketho,*Kendo ma luwo chike Jehova.+
2 Jo mamor gin jo ma luwo weche moparonegi,+Ma manye gi chunygi duto.+
3 Gitimo gik makare;Giwuotho e yorene.+
4 Isechikowa,Ni warit chikeni chuth.+
5 Yaye, mad dabedie ni yorena ogurore motegno,+Daluwo chikeni!
6 Dine ok ayudo wich-kuot+Sa ma anono chikeni duto.
7 Ka asepuonjora buche makare miseng’ado,Abiro paki gi chuny matir.
8 Abiro rito chikeni.
Akwayi ni kik ijwang’a chuth.
ב [Beth]
9 Ere kaka rawera nyalo rito yorene mondo osik koler?
Mana kuom rito wachni.+
10 Amanyi gi chunya duto.
Kik iwe abar mi awe chikeni.+
11 Asekano wachni e chunya+Mondo kik akethni.+
12 A Jehova, mad iyud pak.
Puonja chikeni.
13 Ahulo gi dhogaBuche duto ma dhogi osewacho.
14 Gik miparonwa miya mor+Moloyo ma mwandu moro amora dimiya.+
15 Abiro paro matut kuom chikeni,*+Kendo abiro tego wengena e yoreni.+
16 Ahero chikeni.
Wiya ok nowil gi wecheni.+
ג [Gimel]
17 Bed mang’won gi jatichni,Mondo abed mangima kendo arit wachni.+
18 Yaw wang’a mondo anen malerGik mabeyo miwuoro manie chikeni.
19 An mana wendo e piny.+
Kik ipandna chikeni.
20 Chunya opong’ gi sisoMar ng’eyo bucheni kinde duto.
21 Ikwero jo ma hedhoreKendo mosekuong’ nikech ok giluw chikeni.+
22 Gol kuoma achaya kod ajara,Nimar aserito chikeni.
23 Kata sa ma ruodhi ochokorena mondo gitimna marach,Jatichni pod paroga matut kuom chikeni.*
24 Ahero chikeni ahinya;+Gin e ma ging’adona rieko.+
ד [Daleth]
25 Anindo piny e buru.+
Rit ngimana mana kaka ne iwacho.+
26 Ne ahuloni yorena, kendo nidwoka.
Puonja chikeni.+
27 Konya winjo tiend chikeni,Mondo apar matut kuom tijeni madongo.*+
28 Kuyo omona nindo.
Omiyo, tega kaka nisingori.
29 Geng’a kik adonj e yore mag miriambo.+Nyisa ng’wono kendo ipuonja chikeni.
30 Aseyiero yor adiera.+
Ang’eyo ni buche ming’ado gin kare.
31 Amako chikeni matek.+
Yaye Jehova, kik iwe ayud wich-kuot.+
32 Abiro rito chikeni gi chunya duto*Nikech iyawo chunya mondo imeda rieko.*
ה [He]
33 A Jehova, puonja+ chikeni,Mondo aluwgi kinde duto.+
34 Miya riekoMondo arit chikeni,Kendo amakgi gi chunya duto.
35 Taya mondo awuoth e chikeni,+Nikech gin e ma gimiya mor.
36 Miya chuny mohero luwo chikeni,To ok chuny ma luwo dwarona awuon.+
37 Lok wang’a kik ong’i gik ma kayiem nono;+Rit ngimana mondo awuoth e yoreni.
38 Chop wach ma nisingo ne jatichni,Mondo ji oluori.*
39 Golna achaya ma aluoro,Nimar buche ming’ado beyo.+
40 Mano kaka ahero yoreni!
Rit ngimana nikech in ng’at makare.
ו [Waw]
41 A Jehova, mad inyisae herani mosiko,+Kendo iresa kaka ne isingori.+
42 Eka anayud wach ma adwokogo jal ma kweda,Nikech ageno wachni.
43 Kik igol wach mar adiera e dhoga,Nikech asegeno bucheni.
44 Abiro rito chikeni ndalo dutoKendo nyaka chieng’.+
45 Abiro wuotho ka mokuwe,*+Nimar amanyo chikeni.
46 Abiro hulo chikeni e nyim ruodhi,Kendo wiya ok nokuodi.+
47 Amor luwo chikeni,Nikech aherogi ahinya.+
48 Abiro lami ka ating’o bedena malo nikech ahero chikeni,+Kendo anapar kuomgi matut.+
ז [Zayin]
49 Par wach ma nisingo ne jatichni,Wachno e ma miyo abedo gi geno.
50 Mano e ma hoyo chunya e chandruok,+Nimar wachni oserito ngimana.
51 Jo ma hedhore jara ahinya,To pok abaro mi aweyo chikeni.+
52 A Jehova, aparo chikeni miseketo chakre nene,+Kendo gihoyo chunya ahinya.+
53 Mirima mager osemaka nikech jorichoMa jwang’o chikeni.+
54 Kamoro amora ma adakie,*Awero mana chikeni.
55 A Jehova, otieno mangima aparo nyingi,+Mondo arit chikeni.
56 Mano e gima atimoga pile,Nikech aserito chikeni.
ח [Heth]
57 Jehova e pokna.+Asesingora ni abiro luwo wechene.+
58 Asayi gi chunya duto,+Nyisa ng’wono+ kaka nisingori.
59 Asenono yorenaMondo achik tiendena oluw chikeni.+
60 Areto ma ok ariwniMondo arit chikeni.+
61 Tonde mag joricho osenala,Kata kamano, wiya ok nyal wil gi chikeni.+
62 Achiew dier otieno mondo agoni erokamano+Nikech buche ming’ado ni kare.
63 An osiep ji duto moluoriKendo ma rito chikeni.+
64 A Jehova, herani mosiko opong’o piny.+Puonja yoreni.
ט [Teth]
65 Isetimo ne jatichni gik mabeyo, A Jehova,Mana kaka ne iwacho.
66 Miya rieko mar ng’ado weche kare kaachiel gi ng’eyo,+Nikech asegeno kuom chikeni.
67 Ka ne pok aneno masira ne ajabothga ding’eny,To sani amako wachni.+
68 Iber ahinya,+ kendo tijeni beyo.
Puonja chikeni.+
69 Jo ma hedhore osemiena gi miriambo,An to arito chikeni gi chunya duto.
70 Chunygi tek ma ok gidew gimoro,+An to ahero chikeni.+
71 En gima ber ni asesandora,+Mondo apuonjra yoreni.
72 Chik moa e dhogi berna+Moloyo dhahabu gi fedha mang’eny.+
י [Yod]
73 Lweti e ma nochueya kendo e ma nolosa.
Miya nyalo mar winjo tiend wecheni,Mondo apuonjra chikeni.+
74 Jo moluori duto mor ka ginena,Nimar wachni e ma ageno.+
75 A Jehova, ang’eyo ni bucheni ming’ado ni kare,+Kendo ang’eyo ni chwat misechwadago ni kare.+
76 Mad herani mosiko+ e ma oho chunyaMana kaka nisingori ne jatichni.
77 Kecha mondo adhi nyime bedo mangima,+Nikech ahero chikeni.+
78 Mad jo ma sungore one wich-kuot,Nikech gisekwinya ma onge gimomiyo.
An to abiro paro matut kuom yoreni.*+
79 Ji duto moluori kendo mong’eyo chikeniMondo obed jokora.
80 Mad chunya bed ma onge ketho nikech arito chikeni,+Mondo kik ayud wich-kuot.+
כ [Kaph]
81 Agombo ahinya neno resruokni,+Nimar wachni e ma ageno.
82 Wang’a koro ool nikech aserito aming’a neno gima nisingona,+To pod apenjora niya: “Ibiro hoyo chunya karang’o?”+
83 Achalo gi chupa* molier e yiro,To wiya pok owil gi chikeni.+
84 Jatichni biro rito nyaka karang’o?
Ibiro kumo jo ma sanda karang’o?+
85 Jo ma hedhore osekunyona buche,Ee, jogo ma kwedo chikeni.
86 Chikeni duto inyalo gen,Akwayi ni ikonya, nimar ji sanda ma onge gimomiyo.+
87 Ne gichiegni tieka,To ok najwang’o chikeni.
88 Rit ngimana nikech herani osiko,Mondo aluw chike mowuok e dhogi.
ל [Lamed]
89 A Jehova, wachni biro siko e poloNyaka chieng’.+
90 Adierani ochwere e tienge duto.+
Iseguro piny motegno mondo osik ka ma niketee.+
91 Chuechni duto osiko nikech wachni,Nimar giduto gitiyoni.
92 Dine ok ahero chikeni,Dikoro aselal nono nikech chandruogena.+
93 Wiya ok nyal wil gi chikeniNikech gin e ma girito ngimana.+
94 A Nyasaye, resa nikech an ng’ati,+Kendo nikech asemanyo chikeni.+
95 Joricho obutona mondo gitieka,An to aparo matut kuom chikeni.
96 Ang’eyo ni gik malong’o chuth nigi gikogi,To chikeni onge giko.
מ [Mem]
97 To mano kaka ahero chikeni!+
Aparo kuomgi matut odiechieng’ duto.*+
98 Chikeni osemiyo abedo mariek moloyo wasika,+Nimar gitaya kinde duto.
99 Ariek moloyo jopuonjna duto,+Nikech aparo matut kuom chikeni.*
100 Alony moloyo jomoti,Nikech aluwo chikeni.
101 Asegeng’o tiendena mondo kik awuoth e yore maricho,+Mondo atim gima wachni ochiko.
102 Pok abaro ma aweyo bucheni,Nimar in iwuon isepuonja.
103 To mano kaka wecheni mit e dhoga!
Gimit moloyo mor kich.+
104 Chikeni miyo atiyo gi rieko.+
Mano e momiyo asin gi yore duto maricho.+
נ [Nun]
105 Wachni e taya mar tiendena,Kendo ler ma menyona yora.+
106 Asekuong’ora kendo anachop kuong’ruoknano,Ni abiro rito bucheni makare.
107 A Jehova, asechandora ahinya,+
Omiyo, rit ngimana kaluwore gi wachni.+
108 Akwayi A Jehova, rwak pak ma apakigo gi chunya duto,*+Kendo puonja chikeni.+
109 Pile akalo e masiche,*To wiya pok owil gi chikeni.+
110 Joricho osechikona obadho,Kata kamano, pok abaro aweyo chikeni.+
111 Asekawo chikeni kaka pok mara ma nyaka chieng’,Nimar gin e ma gimiyo chunya mor.+
112 Aseng’ado e chunya ni abiro luwo chikeniNdalo duto mag ngimana.
ס [Samekh]
113 Asin gi jo ma bagni,+To ahero chikeni.+
114 In e kar bwokna kendo okumbana,+Nimar wachni e ma ageno.+
115 Un joricho, auru buta+Mondo arit chike Nyasacha.
116 A Nyasacha, sira kaka nisingori+Mondo abed mangima.
Kik iwe gima ageno okal nono mi ayud wich-kuot.+
117 Sira mondo ayud resruok,+Mondo kinde duto aket pacha e chikeni.+
118 Idagi ji duto ma tamore luwo chikeni,+Nimar gipong’ mana gi miriambo.
119 Ipuko joricho duto oko ka yugi,*+
E momiyo ahero chikeni.
120 Denda duto tetni nikech aluori;Luoro omaka nikech bucheni ming’ado.
ע [Ayin]
121 Asetimo gima kare kendo madier,Kuom mano, kik iweya e lwet jo ma sanda.
122 Singri ne jatichni ni ibiro konye;Kik iwe josunga osanda.
123 Wengena ool nikech arito neno resruokni,+Kaachiel gi gik makare ma nisingona.+
124 Nyis jatichni herani mosiko,+Kendo puonja chikeni.+
125 An jatichni, miya nyalo mar winjo tiend weche,+Mondo awinj tiend chikeni.
126 Kinde mar Jehova mar kawo okang’ osechopo,+Nimar giseketho chikene.
127 Mano e momiyo ahero chikeniMoloyo dhahabu maler mogik.+
128 Aneno ni chikeni duto ni kare,+Omiyo, asin gi yore maricho.+
פ [Pe]
129 Chikeni beyo miwuoro!
Mano e momiyo aritogi.
130 Wecheni kelo ler sa ma olergi,+Gimiyo weche donjo ne ng’at ma riekone tin.+
131 Ayawo dhoga malach mondo agam yueyo,Nikech an gi siso mar winjo chikeni.+
132 Lokri iranga mondo ikecha,+Kaka ijatimo kinde duto ne jo ma ohero nyingi.+
133 Chik ondamo maga gi wachni;Kik richo moro amora oloya.+
134 Resa e lwet jo ma sando ji,Mondo arit bucheni.
135 Ler mar wang’i mondo orieny kuom jatichni.+Puonja chikeni.
136 Pi wang’a mol ka aora,Nimar ji ok luw chikeni.+
צ [Tsade]
137 A Jehova, in Nyasaye makare,+Kendo bucheni ming’ado bende ni kare.+
138 Chikeni mimiyowa ni kare,Kendo inyalo gen-gi chuth.
139 Kinda ma an-go tieka,+Nimar wi wasika osewil gi wecheni.
140 Osetem wachni monwang’ ni en kare chuth,+Kendo jatichni oherogi.+
141 Atin kendo ji ochaya,+To wiya pok owil gi chikeni.
142 Timni makare osiko nyaka chieng’,+Kendo chikni en adier.+
143 Kata obedo ni achandora malit kendo aparora,Pod ahero chikeni.
144 Chikeni ni kare nyaka chieng’,Kuom mano, konya awinj tiend weche+ mondo asik ka angima.
ק [Qoph]
145 Yaye Jehova, aluongi gi chunya duto. Yie idwoka.
Abiro rito chikeni.
146 Aywakni; yie iresa!
Abiro rito chikeni.
147 Ka pok piny oru, aywakni mondo ikonya.+Nimar wecheni e ma miya geno.
148 Wengene neno ka arita mag otieno podiMondo apar matut wachni.*+
149 A Nyasacha winj dwonda nikech herani osiko.+
A Jehova, rit ngimana nikech bucheni ni kare.
150 Jo ma timo timbe modwanyore osesudo buta;Gibor ahinya gi chikeni.
151 A Jehova, in to in machiegni koda,+Kendo chikeni duto gin adier.+
152 Asepuonjora chikeni chakre chon,Kendo ang’eyo ni ne igurogi mondo gisik nyaka chieng’.+
ר [Resh]
153 Ne chandruokna kendo ikonya,+Nimar wiya pok owil gi chikeni.
154 Yal wachna kendo iresa.+Rit ngimana mana kaka nisingori.
155 Warruok ni mabor gi joricho,Nimar ok gimany chikeni.+
156 A Jehova, ng’wononi duong’ miwuoro.+
Rit ngimana kaluwore gi bucheni makare.
157 Wasika kod jo ma sanda ng’eny;+To pok abaro ma aweyo weche miparonwa.
158 Ka arango jo andhoga, to chunya chido kodgi,Nimar ok girit wachni.+
159 Ne ane kaka ahero bucheni!
A Jehova, rit ngimana nikech herani osiko.+
160 Mise mar wachni en adier,+Kendo buche miseng’ado duto ochwere.
ש [Sin] kata [Shin]
161 Ruodhi sanda+ ma onge gimomiyo,To wecheni e ma chunya oluoro.+
162 Wecheni miya mor+Mana ka ng’at moyako mwandu mathoth.
163 Asin gi miriambo, kendo ajok kode chuth,+Chikni e ma ahero.+
164 Apaki nyadibiriyo odiechieng’ kodiechieng’,Nikech bucheni ming’ado ni kare.
165 Jo mohero chikeni nigi kuwe mogundho;+Onge gima dimi gichwanyre.
166 A Jehova, arito warruokni,Kendo aluwo chikeni.
167 Amako chikeni,Kendo aherogi gi chunya duto.+
168 Arito bucheni gi chikeni,Nimar ing’eyo gik moko duto ma atimo.+
ת [Taw]
169 A Jehova, yie iwinj ywakna,+
Konya winjo tiend wachni kaka ne isingorina.+
170 Yie iwinj kwayona.
Resa mana kaka nisingori.
171 Mad dhoga paki,+Nikech ipuonja chikeni.
172 Mad lewa ower wecheni,+Nimar chikeni duto ni kare.
173 Lweti mondo oikre konya kinde duto,+Nikech aseyiero luwo chikeni.+
174 A Jehova, agombo neno resruokni.
Ahero chikeni gi chunya duto.+
175 Miya ngima mondo apaki.+Mad bucheni ming’ado okonya.
176 Asebayo yo mana ka rombo molal.+ Many jatichni.
Nimar wiya pok owil gi chikeni.+
Weche Moler Piny
^ Kata, “Jo mamor gin jo ma rito timgi matir,”
^ Kata, “Abiro puonjora chikeni,”
^ Kata, “Jatichni pod puonjorega chikeni.”
^ Kata, “Mondo apuonjra tijeni madongo.”
^ Hibrania, “Anaring e yor chikeni,”
^ Kata nyalo bedo, “Nikech imiyo abedo gi chir.”
^ Kata nyalo bedo, “Ma en singruok mitimo gi jo ma oluori.”
^ Kata, “Abiro wuotho ka malach,”
^ Kata, “Ot moro amora ma abuoroe.”
^ Kata, “Abiro puonjora yoreni.”
^ Tiende ni, chupa molos gi pien.
^ Kata, “Apuonjora chikeni odiechieng’ duto.”
^ Kata, “Nikech apuonjora chikeni.”
^ Hibrania, “rwak misango ma onge achune ma atimoni gi dhoga.”
^ Kata, “Ating’o ngimana e lweta pile.”
^ Kata, “chuoth nyinyo; chilo mar nyinyo.”
^ Kata, “Mondo apuonjra wecheni.”
