Zaburi 132:1-18
Wend Jo ma Idho.
132 A Jehova, par Daudi,Kendo ipar chandruoge duto mosekaloe.+
2 Par kaka nosingore ne Jehova,Kendo kaka nokuong’ore ne Nyasach Jakobo ma Ratego niya:+
3 “Ok anadonj e hemba, e oda.+
Kata nindo e komba, e otandana.
4 Ok anayie nindo otera,Kendo ok anayie wengena obed mapek,
5 Ka pok agero ne Jehova kare,Kendo ka pok ayudo ne Nyasach Jakobo ma Ratego kar dak.”+
6 Neuru! Ne wawinjo wachno e Efratha,+Adier, ne wayude e puodho manie bungu.+
7 Wadhiuru e kar dak mar Nyasaye;+Wakulreuru e nyim raten tiende.+
8 A Jehova, a malo mondo ibi e kari mar yueyo,+In kaachiel gi Sanduk ma nyiso tekoni.+
9 Mad jodolo magi rwakre gi tim makare,Kendo jogi momakore kodi ower gi mor.
10 Kik iriemb ng’ati mowir,Nikech hera ma niherogo Daudi jatichni.+
11 Jehova ne osingore ne Daudi.
Ne en singruok ma ok lokre ngang’. Ne osingore niya:
“Abiro keto achiel kuom kothiE kom-lochni.+
12 Ka yawuoti orito singruokna,Kaachiel gi chike ma apuonjogi,+Gin bende yawuotgiNobed e kom-lochni nyaka chieng’.”+
13 Nimar Jehova oseyiero Sayun;+Osekete mondo obed kar dakne, kowacho niya:+
14 “Ma e kara mar yueyo nyaka chieng’,Abiro dak kae,+ nikech kae e ka ma ahero.
15 Abiro guedhe gi gueth mogundho;Abiro miyo joge modhier chiemo moromogi.+
16 Abiro rwako jodolo mage gi warruok,+Kendo joge nower gi mor.+
17 Kanyo e ma abiro miyo teko* mar Daudi omedree.
Aseiko taya ne ng’ata mowir.+
18 Abiro rwako ne wasike law wich-kuot;En to osimbone biro medo rieny.”+
Weche Moler Piny
^ Hibrania, “tung.”
