Zaburi 25:1-22
Zaburi mar Daudi.
א [Aleph]
25 A Jehova, abiro e nyimi mondo alami.
ב [Beth]
2 Yaye Nyasacha, in e ma aketo genona kuomi;+Kik iwe ayud wich-kuot.+
Kik iwe wasika onyiera.+
ג [Gimel]
3 Onge ng’at mogeni ma none wich-kuot,+To jo mohero ndhogo jowetegi kayiem nono e ma none wich-kuot.+
ד [Daleth]
4 Konya ng’eyo yoreni, A Jehova;+Puonja yoreni.+
ה [He]
5 Taya mondo awuoth e adierani, kendo puonja,+Nimar in e Nyasacha ma resa.
ו [Waw]
In e ma ageni odiechieng’ mangima.
ז [Zayin]
6 A Jehova, parie ng’wononi kod herani mosiko,+Misenyiso kinde duto.+
ח [Heth]
7 Kik ipar richo ma ne atimo ka pod arawera kaachiel gi kethona.
To para nikech herani mosiko,+Kendo nikech berni, A Jehova.+
ט [Teth]
8 Jehova ber kendo yorene oriere tir.+
Mano e momiyo opuonjo joricho yo monego giluw.+
י [Yod]
9 Obiro tayo jo mamuol e timo gima kare,+Kendo obiro puonjo jo mamuol yorene.+
כ [Kaph]
10 Sa ma ji rito singruokgi+ gi Nyasaye kendo luwo chikene,+Jehova nyisogi hera mosiko kendo omakore kodgi.
ל [Lamed]
11 A Jehova, wena richona nikech nyingi,+Kata obedo ni gidongo ahinya.
מ [Mem]
12 En ng’ano ma oluoro Jehova?+
Nyasaye biro nyise yo monego oyier.+
נ [Nun]
13 Obiro neno ber,+Kendo nyikwaye nobed weg piny.+
ס [Samekh]
14 Jehova en osiep jogo moluore,+Kendo onyisogi singruokne.+
ע [Ayin]
15 Achomo wengena pile kuom Jehova,+Nimar obiro golo tienda e obadho.+
פ [Pe]
16 Lokri mondo ing’iya kendo inyisa ng’wono,Nikech adong’ kenda ma onge ng’at ma konya.
צ [Tsade]
17 Chandruoge manie chunya osemedore;+Resa e thagruokna.
ר [Resh]
18 Ne ane chandruok kod lit ma an-go,+Kendo iwena richona duto.+
19 Ne kaka wasika ng’eny,Kendo kaka gisin koda marach.
ש [Shin]
20 Rit ngimana kendo iresa.+
Kik iwe ane wich-kuot, nimar in e kar bwokna.
ת [Taw]
21 Mad timna matir kod adiera orita,+Nikech ageno kuomi.+
22 A Nyasaye, gol Israel e chandruogene duto.
