Zaburi 32:1-11
Zaburi mar Daudi. Maskil.*
32 Ng’at mamor en ng’at mowene kethone, kendo moruch richone.+
2 Ng’at mamor en ng’at ma Jehova ok onwang’o ketho kuome,+Kendo ma wuondruok onge e chunye.
3 Kinde ma ne pok ahulo richona, chokena ne onyosore nikech lit ma ne an-go odiechieng’ mangima.+
4 Nikech odiechieng’ gotieno lweti ne pek kuoma.*+
Tekona ne oduono mana kaka pi duonoga e kinde oro. (Sela)
5 Gikone, ne ahuloni richona,Ne ok apando kethona.+
Ne awacho niya: “Abiro hulo richona e nyim Jehova.”+
Kendo ne iweyona richona.+ (Sela)
6 Mano e momiyo ng’at momakore kodi biro lami+Sa ma podi inyalo yudi.+
Kata ka ohula maduong’ omwomre ok bi chopo ire.
7 In e ka ma apondoe,Kendo ibiro rita e ndalo chandruok.+
Ibiro lwora koni gi koni gi wende mag loch.+ (Sela)
8 “Abiro miyi rieko kendo puonji yo monego iluw.+
Abiro ng’adoni rieko ka wang’a neni.+
9 Kik ibed kaka faras kata nyumbu* ma onge rieko,+Nimar nyaka chikgi mana kosetwe dhogi kendo iywayogi gi tol,Nono to ok gibi sudo buti.”
10 Joricho neno lit mathoth,To hera mosiko mar Jehova olworo jo mogene.+
11 Beduru moil nikech gik ma Jehova osetimo, kendo beduru mamor un jo makare;Koguru gi ilo un jo ma chunygi tir.
