Zaburi 36:1-12
Ne jatend wer. Zaburi mar Daudi jatich Jehova.
36 Richo e ma chiko chuny jaricho.
Ok oluoro Nyasaye kata matin.+
2 Owuondore ni en ng’at maber,Mano mone fwenyo richoge kendo weyogi.+
3 Weche ma wuok e dhoge richo kendo gin miriambo;
Oonge rieko, omiyo ok onyal timo gimoro maber.
4 Ochano timo gik maricho kata sa monindo e otandane.
Ok oluw yo maber;Kendo ok okwed gima rach.
5 A Jehova, herani mosiko chopo e polo,+Adierani ochopo e boche polo.
6 Timni makare chalo gi gode madongo;+Bucheni ming’ado chalo gi nam matut.+
A Jehova, in e ma irito ngima dhano gi le.+
7 A Nyasaye, to mano kaka herani mosiko ber!+Dhano yudo kar bwok
e tipo mar bwombeni.+
8 Gichamo chiemo mogundho e odi mi giyieng’,+Kendo gimodho e aochi mopong’ gi gik mabeyo.+
9 In e soko mar ngima,+Kendo ler mari e ma omiyo waneno ler.+
10 Med nyiso jo mong’eyi herani mosiko,+Kendo nyis jo ma chunygi tir timni makare.+
11 Kik iwe tiend jo ma sungore onyona,Kendo kik iwe joricho oriemba.
12 Ne kaka joricho osepodho piny;Osegogi piny kendo ok ginyal chung’.+
