Zaburi 44:1-26
Ne jatend wer. Zaburi mar yawuot Kora.+ Maskil.*
44 A Nyasaye, wasewinjo gi itwaKa kwerewa hulonwa+Gik ma ne itimo e ndalogi,Ndalo ma chon ahinya.
2 Ne iriembo ogendni gi tekoni,+Mimiyo kwerewa pinyno.+
Ne iloyo ogendni mi iriembogi oko.+
3 Ne ok gikawo piny gi liganglagi giwegi,+Kendo ne ok giresore gi tekogi giwegi.+
To in e ma ne ikonyogi gi lweti ma korachwich,+ gi badi matek kod ler mar wang’i,Nimar niherogi.+
4 In e Ruodha, A Nyasacha;+Gol chik mondo Jakobo olochi.
5 Waloyo wasikwa gi tekoni;+Wanyono jo ma kedo kodwa nikech nyingi.+
6 Ok ageno atung’na,Kendo liganglana ok nyal resa.+
7 To in e ma niresowa e lwet wasikwa,+Ne ikuodo wi jo mosin kodwa.
8 Wabiro pako Nyasaye odiechieng’ kodiechieng’;Wabiro pako nyinge nyaka chieng’. (Sela)
9 To koro isewitowa kendo isekuodo wiwa,Kendo ok idhi gi jolwenjwa e lweny.
10 Isemiyo waringo wasikwa,+Kendo jo ma kedo kodwa yakowa.
11 Ne ijwang’owa mondo ongamwa ka rombe,Kendo isekeyowa e dier pinje.+
12 Ne iuso jogi nono,+Kendo onge ohala ma ne iyudo kuomgi.
13 Isemiyo jo modak butwa ochayowa,Jo molworowa nyierowa kendo yanyowa.
14 Iselokowa ngero ma ogendni goyo,+Ogendni kino wigi konenowa.
15 Wich-kuot omaka seche duto,Kendo wang’a nyiso ni wich-kuot nega.
16 Wasikwa nyierowa kendo giyanyowa,Nikech gisechako chulo kuor.
17 Magi duto notimorenwa kata obedo ni wiwa ne pok owil kodi,Kendo pok waketho singruokni.+
18 Chunywa pok oweyi;Kendo tiendewa pok okier moweyo yori.
19 To isegoyowa mi ibolowa ka ma ondiegi odakie;Iseumowa gi mudho mandiwa.
20 Ka dine wiwa owil gi nying Nyasachwa,Kata dine wayaro lwetewa ne nyiseche manono ka walamogi,
21 Donge Nyasaye dine ofwenyo wachno?
Ong’eyo gik maling’ ling’ manie chuny dhano.+
22 Tho ochomowa odiechieng’ duto nikech in;Osekwanwa ka rombe monego oyang’.+
23 A Jehova, a malo. Inindo nang’o?+
Chiew! Kik ijwang’wa nyaka chieng’.+
24 Ipandonwa wang’i nang’o?
Wiyi osewil gi thagruokwa kod chandruogewa koso?
25 Osegowa piny e buru;Osediwa e lowo.+
26 A malo mondo ikonywa!*+
Reswa nikech herani osiko.+
