Zaburi 55:1-23
Ne jatend wer. Wendni onego ower gi gige thum ma nigi tonde migwelo. Maskil.* Zaburi mar Daudi.
55 A Nyasaye, winj lamona,+Kendo kik itamri winjo ywakna.+
2 Yie iwinja kendo idwoka.+
Chunya chandore,+Kendo aonge gi kuwe.
3 Nikech wasika wacho gik maricho,Kendo joricho odiya.
Gikelona chandruok mathoth,Gin koda gi sigu kod mirima.+
4 Chunya lit,+Kendo tho ochoma.+
5 Aluor kendo atetni,Kibaji ogoya matek.
6 Asiko awacho niya: “Mad nabed gi buombe ka akuru.
Dine afuyo nyaka ka ma anyalo yudoe yueyo.
7 Adier, dine adhi mabor.+
Dine adhi dak e thim.+ (Sela)
8 Dine areto nyaka ka ma anyalo bwokie;Ka ma yamo kod koth mager ok nyal chopoe.”
9 Yaye Jehova, lal pachgi kendo keth chenro maggi,+Nikech aseneno kaka timbe gero gi lweny opong’o dala maduong’.
10 Odiechieng’ gotieno giwuotho koni gi koni e ohinga mag dalano;Timbe maricho gi anjawo e mopong’o dalano.+
11 Masira opong’o dalano,Kendo yorege opong’ gi jomecho gi jomiriambo.+
12 Ka dabed ni jasika e ma jara,+To dadhil adhila.
Kata ka dabed ni jasika e ma piem koda,To dapondone.
13 To en mana in, dichwo kaka an,+Osiepna ma ang’eyo maber.+
14 Ne wagoyoga mbaka mamit kode;Kendo ne wadhiga e od Nyasaye kaachiel gi oganda mathoth.
15 Mad kethruok oyudgi apoya!+
Mad Liel* omwonygi ka pod gingima;Nikech richo odak e diergi.
16 An to analuong Nyasaye,Kendo Jehova biro resa.+
17 Aywagora odhiambo, okinyi, kod odiechieng’ nikech chunya lit.+To owinjo dwonda.+
18 Obiro resa e lwet jo ma kedo koda, kendo obiro miya kuwe,Kata obedo ni ji mathoth kweda.+
19 Nyasaye mobet e kom-lochne nyaka chieng’+Nowinjgi kendo goyogi.+ (Sela)
Jogo ma ok oluoro Nyasaye,Biro tamore loko yoregi.+
20 Osiepna machon* nomonjo jo ma ne nigi kuwe kode;+Oseketho singruok ma notimo.+
21 Weche mowacho yom moloyo mor dhiang’+To chunye opong’ gi sigu.
Wechene yom moloyo mor wirruokgo,To kara gin mana ligangla mosewuodh oko.+
22 Bol ting’ mari kuom Jehova,+To obiro konyi.+
Ok obi weyo ng’at makare opodhi.+
23 To in, yaye Nyasaye, ibiro wito joricho e bur matut.+
Jonek kod jomiriambo ok nodag aming’a.+
An to abiro keto genona kuomi.
Weche Moler Piny
^ Som Tiend Weche.
^ Hibrania, “Sheol.” Som Tiend Weche.
^ Tiende ni, osiepne miwuoyoe e kwan matindo 13 kod 14.
