Zaburi 77:1-20
Ne jatend wer mar Jeduthun.* Zaburi mar Asaf.+ Wer.
77 Anaywag matek ne Nyasaye;Anaywagne kendo enowinja.+
2 Ka nachandora, ne amanyo Jehova.+
Ne arieyone bedena malo ma ok aol otieno duto.
Chunya ne otamore hore.
3 Ne aparo Nyasaye mi ne aywak;+Chunya nochandore kendo tekona norumo.+ (Sela)
4 Ne imako wengena mi ne ok anyal miyogi;Mirima omaka, ok anyal wuoyo.
5 Ne aparo mana ndalo mosekadho;+Higni machon bende naparo.
6 Gotieno ne aparo wenda;+Ne aparo matut e chunya;+Ne anono weche adimba.
7 Jehova biro witowa nyaka chieng’ koso?+
Be obiro nyisowa ng’wono kendo?+
8 Herane mosiko oserumo nyaka chieng’ koso?
Be tienge ma biro none gik ma ne osingo?
9 Dibed ni wi Nyasaye osewil gi kecho ji?+Koso mirimbe osemiyo oweyo nyiso ji ng’wonone? (Sela)
10 Nawach gima chando chunya nyaka karang’o?+
Nimar Ng’at Mamalo Chutho oselokonwa lwete ma korachwich.
11 Abiro paro tije mag Jah;Abiro paro honni mage machon gilala.
12 Abiro paro matut kuom tijeni duto;Abiro paro matut gik misetimo.+
13 A Nyasaye, yoreni ler.
En nyasaye mane maduong’ kaka Nyasachwa?+
14 In e Nyasaye madier ma timo gik miwuoro,+
Kendo isenyiso tekoni ne ji mopogore opogore.+
15 Ne ireso jogi gi badi ma ratego;+Ne ireso nyikwa Jakobo gi Josef. (Sela)
16 Nembe noneni, A Nyasaye;Nembe noneni mi luoro nomakogi.+
Kendo kuonde matut me nam ne otetni.
17 Boche polo ne oolo koth,Kendo polo nomor,Ka aserni magi to mil koni gi koni.+
18 Polo ne omor+ mana kaka geche faras ma ringo matek;Mil polo ne omenyo piny duto;+Piny ne otetni kendo oyiengni.+
19 Ne iwuotho king’ado dier nam,+Yo ma niluwo nokadho e dier pige ma ringo matek,To kuonde ma tiendeni ne onyono ne ok nyal ne gi wang’.
20 Ne itayo jogi mana kaka jakwath tayo rombe,+Ka gin e lwet Musa gi Harun.+
Weche Moler Piny
^ Som Tiend Weche.
