Zaburi 86:1-17
Lamo mar Daudi.
86 Yaye Jehova, chik iti ne lamona, kendo dwoka,Nimar adhier kendo achandora.+
2 Rit ngimana nikech asemakora kodi.+
In e Nyasacha,+Omiyo, res ngima jatichni mogeni.
3 Yaye Jehova, kecha,+Aywakni odiechieng’ duto.+
4 Kony jatichni mondo obed mamor,Nimar in e ma aywakni, A Jehova.
5 A Jehova, iber+ kendo iikori weyo ne ji richogi,+Ihero ji duto ma luongi.+
6 Yaye Jehova, chik iti ne lamona;Winj kwayona kendo ikonya.+
7 Ka chandruok oyuda, abiro luongi mondo ikonya,+Nimar ibiro dwoka.+
8 A Jehova, onge nyasaye moro amora ma chal kodi,+Kata ma nyalo timo gik misetimo.+
9 A Jehova, ogendni duto misechueyoNobi iri mi ginikulreni,+Kendo ginimi nyingi duong’.+
10 Iduong’ kendo itimo gik madongo miwuoro;+In kendi e Nyasaye.+
11 A Jehova, puonja yoreni.+
Abiro wuotho e adierani.+
Miya chuny achiel* mondo aluor nyingi.+
12 A Jehova Nyasacha, abiro paki gi chunya duto,+Abiro miyo nyingi duong’ nyaka chieng’,
13 Nikech hera miherago duong’,Kendo isegola e Liel.*+
14 Josunga osemonja, yaye Nyasaye,+Jo makwiny dwaro nega,Kendo ok gidewi kata matin.+
15 To in Jehova, in Nyasaye mang’won kendo ma kecho ji,Iyi ok wang’ piyo, igundho gi hera mosiko kod adiera.+
16 Akwayi ni iduog ira kendo ikecha.+
Mi jatichni teko.+Res wuod jatichni ma nyako.
17 Timie gima dimi ang’e ni iber,Mondo wasika one mi wigi kuodi.
Nimar in Jehova, in e jakonyna kendo in e ma ihoyo chunya.
