Zaburi 89:1-52
Maskil.* Zaburi mar Ethan+ Ja-Zera.
89 Anawer nyaka chieng’ e wi hera mosiko mar Jehova.
Abiro hulo ne tienge duto kaka omakore gi joge.
2 Nimar asewacho kama: “Hera mosiko biro gurore motegno nyaka chieng’,+Kendo iseguro adierani motegno e polo.”
3 “Asetimo singruok gi ng’at ma ayiero,+Asekuong’ora ne Daudi jatichna niya:+
4 ‘Anachung kothi+ nyaka chieng’,Kendo anagur kom-lochni motegno e tienge duto.’”+ (Sela)
5 A Jehova, polo pako tijeni miwuoro,Ee, chokruok mar jo maler pako adierani.
6 En ng’a e kor polo minyalo pim gi Jehova?+
En ng’a e kind yawuot Nyasaye+ machal gi Jehova?
7 Nyasaye omi luor maduong’ e buch jo maler,*+Olich kendo ji duto molwore miye luor.+
8 A Jehova Nyasach oganda lweny,Ng’ano ma nigi teko kaka in?+
A Jah, adierani olwori koni gi koni.+
9 In gi teko e wi nam ma wuo;+Inyalo kueyo apakane madongo.+
10 Ne itoyo Rahab+ ma itieke chuth.+
Badi ma ratego nokeyo wasiki.+
11 Polo gin magi, kendo piny bende en mari.+In e ma nichueyo piny kod gik moko duto manie iye.+
12 Ne ichueyo nyandwat gi milambo;Tabor+ gi Hermon+ pako nyingi gi mor.
13 Badi nigi teko;+Lweti otegno;+Badi ma korachwich oting’ore malo.+
14 Timni makare gi bura makare e mise mar kom-lochni;+Hera mosiko kod adiera ochung’ e nyimi.+
15 Jo mamor gin jo ma paki gi mor.+
Ler mar wang’i rienynegi ka giwuotho, A Jehova.
16 Odiechieng’ duto giyil ahinya nikech nyingi,Timni makare osemiyo oting’gi malo.
17 Nimar in e mimiyogi duong’ gi teko,+Kendo ng’wononi miyo wamedo bedo gi teko.+
18 Nimar Jehova osemiyowa okumba,Kendo Nyasaye maler mar Israel osemiyowa ruoth.+
19 E kindego ne iwuoyo e fweny, miwacho ne jogi niya:
“Asemiyo jal moro ma ratego teko;+Aseting’o ng’at moro moyier e kind ji malo.+
20 Aseyudo Daudi jatichna;+Asewire gi mora maler.+
21 Lweta biro sire,+Kendo bada biro miye teko.
22 Onge jasigu ma biro chune chulo gimoro,Kendo onge jaricho ma biro sande.+
23 Abiro tieko wasike chuth oa e nyime,+Abiro goyo wasike duto piny.+
24 Abiro here kendo makore kode kinde duto,+Abiro miye teko* nikech nyinga.
25 Abiro miyo obed gi teko e wi nam,Kendo lwete ma korachwich biro bedo gi teko e wi aoche.+
26 Obiro wacho niya: ‘In e Wuora,Nyasacha, kendo Lwanda ma resa.’+
27 Enobed wuoda makayo,+Kendo ruoth mamalo moloyo ruodhi duto e piny.+
28 Abiro here nyaka chieng’,+Kendo singruokna kode ok norem ngang’.+
29 Abiro guro kothe nyaka chieng’,Kendo kom-lochne nosik mana kaka polo osiko.+
30 To ka yawuote ok omako chikena,Kendo giweyo luwo yorena,
31 Ka ok girito buchena,Kendo gitamore luwo chikena,
32 Abiro kumogi gi luth,+Abiro chwadogi nikech giseketho.
33 Kata kamano, en to abiro here kinde duto,+Ok abi weyo ma ok achopo gima nasingone.
34 Ok abi ketho singruokna kode,+Kata loko gima dhoga osewacho.+
35 Asekuong’ra dichiel to ok anakuong’ra kendo;Ok abi wuondo Daudi.+
36 Kothe nosik nyaka chieng’;+Kom-lochne nosik e nyima mana kaka wang’ chieng’.+
37 Ibiro gure nyaka chieng’ mana kaka dwe,Kaka janeno madier e kor polo.” (Sela)
38 To in iwuon isejwang’e kendo isedagie,+Iyi osewang’ gi ng’ati mowir.
39 Iselokori miketho singruok ma ne itimo gi jatichni.
Isedwanyo osimbone kuom wite piny e buru.
40 Isegoyo ohinga mage duto piny,Kendo isemuko ohinga mochielo motegno mi gilokore gunda.
41 Ji duto ma kalo machiegni kode yake,Jo modak machiegni kode nyiere.+
42 Isemiyo wasike olocho;*+Isemiyo wasike duto oil ahinya.
43 Isediko dho liganglane,Kendo isemiyo oloye e lweny.
44 Isetieko duong’ ma ne en-go,Kendo isegoyo kom-lochne piny.
45 Isemiyo obedo moti ka ndalone podi;Isemiyo oyudo wich-kuot maduong’. (Sela)
46 Yaye Jehova, ibiro pando wang’i nyaka karang’o? Nyaka chieng’ koso?+
Mirimbi noliel ka mach nyaka karang’o?
47 Yaye, parie kaka ndalona rumo piyo!+
Be ne ichueyo dhano kayiem nono?
48 En ng’a ma nyalo bedo mangima nyaka chieng’ ma ok otho?+
Koso en ng’a ma nyalo resore owuon e Liel?* (Sela)
49 A Jehova, ere herani machonMa ne isingo ni ininyis Daudi?+
50 Akwayi Jehova, parie kaka ji osechayo jotichni,Kendo kaka aseting’o weche ma ji ochayago.*
51 Parie kaka giseyanya, A Jehova,Kendo kaka giseyanyo ng’ati mowir kamoro amora modhiye.
52 Wapakuru Jehova Nyasaye nyaka chieng’. Amin kendo Amin.+
Weche Moler Piny
^ Som Tiend Weche.
^ Kata, “e chokruok mar jo maler.”
^ Hibrania, “Abiro ting’o tunge malo.”
^ Hibrania, “Iseting’o lwedo ma korachwich mag wasike malo.”
^ Hibrania, “Sheol.” Som Tiend Weche.
^ Hibrania, “Kaka aseting’o e kora weche ma ji duto kwedago.”
