Zaburi 92:1-15
Zaburi. Wer ma iwero chieng’ Sabato.
92 A Jehova, owinjore wagoni erokamano.+A Ng’at Mamalo Chutho, owinjore wapak nyingi gi wende.
2 En gima ber hulo herani mosiko+ gokinyiKendo hulo adierani gotieno,
3 Ka wagoyo thum gi gir thum ma nigi tonde aparKaachiel gi nyatiti.+
4 A Jehova, gik mitimo miya mor;Awer gi mor nikech tije ma lweteni osetimo.
5 Mano kaka tijeni dongo, A Jehova!+
Mano kaka pachi tut miwuoro!+
6 Ng’at ma onge rieko ok nyal ng’eyogi.
Jo mofuwo ok winj tiend wachni:+
7 Sa ma joricho loth kaka lumKendo jo ma timo richo dhi maber,En mana ni mondo otiekgi chuth.+
8 To in A Jehova, ibiro paki nyaka chieng’.
9 Kuom adier, ibiro loyo wasiki A Jehova,Wasiki duto biro lal nono;Ibiro keyo joricho duto.+
10 To ibiro miya teko* mana kaka ruadh bungu;Abiro wiro mo maliw e pien denda.+
11 Wengena biro neno kaka iloyo wasika;+Ita biro winjo kaka itieko jo maricho ma monja.
12 To jo makare biro loth maber ka yiend othidhe,Kendo gibiro dongo ka yiend sida man Lebanon.+
13 Osepidhgi e od Jehova;Giloth e laru mar Nyasachwa.+
14 Kata ka giti podi gibiro nyak;+Ginisik ka gitegno kendo ka ging’ich,+
15 Ka gilando ni Jehova en ng’at matir.
En e Lwandana,+ kendo onge richo moro amora man kuome.
Weche Moler Piny
^ Hibrania, “Ibiro miya tung’.”
