Zaburi 96:1-13
96 Weruru ne Jehova wer manyien.+
Piny duto mondo ower ne Jehova!+
2 Weruru ne Jehova, pakuru nyinge,Landuru wach maber. Landuru resruokne odiechieng’ kodiechieng’.+
3 Landuru duong’ne e kind ogendni,Landuru tijene miwuoro ne ogendni duto.+
4 Nimar Jehova e Nyasaye maduong’ kendo owinjore gi pak.
Olich moloyo nyiseche mamoko duto.
5 Nyiseche duto mag ogendni gin nyiseche manono,+To Jehova e ma nochueyo polo.+
6 Luor gi duong’ nie nyime;+Teko gi ber duto nie ode maler.+
7 Un dhoudi mag piny, miuru Jehova gima owinjorego.
Miuru Jehova gima owinjorego nikech en gi teko kod duong’.+
8 Miuru Jehova duong’ mowinjore gi nyinge.+Keluru mich kubiro e laru mage.
9 Lamuru Jehova kurwakoru gi lewni maler.*Un piny duto, kulreuru e nyime kutetni.
10 Landuru e kind ogendni niya: “Jehova osebedo Ruoth!+
Piny osegur motegno, onge ng’at ma nyalo yienge.
Obiro ng’ado bura makare ne ogendni.”+
11 Polo mondo obed moil, piny bende obed mamor.
Nam mondo owuo kaachiel gi gik moko duto manie iye.+
12 Pewe kod gik moko duto manie igi mondo obed moil,+
Kendo yien duto me bungu bende okog gimor+
13 E nyim Jehova, nimar osebiro.
Osebiro ng’ado ne piny bura.
Enong’ad ne piny bura makare,+Kendo enong’ad ne ji bura gadiera.+
Weche Moler Piny
^ Kata nyalo bedo, “Lamuru Jehova nikech oler.”
