Zefania 1:1-18
1 Ma e wach Jehova ma nobiro ne Zefania* wuod Kushi, wuod Gedalia, wuod Amaria, wuod Hezekia, e ndalo ma Josia+ wuod Amon+ ne locho e piny Juda:
2 “Abiro yweyo gik moko duto manie piny,” Jehova owacho.+
3 “Abiro yweyo dhano gi le.
Abiro yweyo winy ma fuyo e kor polo gi rech manie nam,+Kod gik ma chwanyo dhano*+ kaachiel gi joricho;Kendo abiro golo dhano e piny,” Jehova owacho.
4 “Abiro rieyo lweta mondo akum JudaKod ji duto modak Jerusalem,Abiro yweyo gik moko duto mag Baal,+Nyinge jodolo mag nyiseche manono gi jodolo,+
5 Jo ma kulore ne oganda mag polo e wi tat utegi,+Kaachiel gi jo ma kulore ka kuong’ore ne Jehova+To konchiel gikuong’ore ne Malkam;+
6 Jogo ma weyo luwo Jehova+Kaachiel gi jo ma ok many Jehova kata penje wach.”+
7 Ling’uru thi e nyim Jehova Wuon Loch Duto, nikech odiechieng Jehova chiegni.+
Jehova oseiko misango; osepwodho jo ma ogwelo.
8 “E odiechieng misango mar Jehova, abiro kumo jotelo,Yawuot ruoth,+ kaachiel gi jo ma rwako lep ogendni mamoko.
9 Chieng’no, abiro kumo ji duto ma idho ndiri,*Jogo mopong’o od ruodhgi gi timbe gero kod miriambo.
10 E odiechiengno,” Jehova owacho,“Dwond ywagruok nowinjre e Ranga Rech,+Nduru nowinjre gi yo ka ma ne oger manyien e bath dala,+Kendo koko maduong’ nowinjre e gode.
11 Gouru nduru, un jo ma odak Maktesh,*Nikech osetiek jo ohala duto;Osetiek ji duto ma pimo fedha.
12 E kindeno, abiro wuotho gi teyni e i Jerusalem ka amenyo,Kendo abiro kumo jo ma ochayo piny ma wacho e chunygi ni,‘Jehova ok notim gima rach+ kata gima ber.’
13 Ibiro yak mwandugi kendo noketh utegi.+
Giniger udi to ok ginidagie;Ginipidh mzabibu to ok ginimadh divai mowuok e mzabibugo.+
14 Odiechieng’ maduong’ mar Jehova chiegni!+
Ochiegni ahinya kendo obiro mapiyo!+
Koko mar odiechieng Jehova nobed malit.+
Chieng’no jalweny ma ratego noywag malit.+
15 Odiechieng’no nobed chieng’ mirima,+Chieng’ parruok gi chandruok,+Chieng’ yamo mager gi kethruok,Chieng’ mudho gi kuyo,+Chieng’ boche polo gi mudho mandiwa,+
16 Chieng’ goyo tung’ gi koko mar lweny,+Ka iketho mier mochiel motegno kod ute maboyo moger e konde mag ohinga.+
17 Abiro kelo ne ji chandruok malit,Mi giniwuoth ka muofni,+Nikech giseketho ne Jehova.+
Ibiro puk rembgi oko ka buru,Kendo ringregi* ka owuoyo.+
18 Fedhagi kata dhahabugi ok bi resogi e odiechieng mirimb Jehova;+Nimar mirimbe mager ka mach biro wang’o piny duto,+Obiro ketho gik moko duto kod dhano duto manie piny, ee, enobed kethruok malich.”+
Weche Moler Piny
^ Tiende ni, “Jehova Osepando.”
^ Nyaka bed ni iwuoyo kuom timbe kata gik motudore gi lamo nyiseche manono.
^ Kata, “ka ma oting’ore malo.” Nyalo bedo ni iwuoyo kuom ndiri ma ne iketoe kom ruoth.
^ Nyalo bedo ni Maktesh ne en kamoro e Jerusalem but Ranga Rech.
^ Hibrania, “nyimbiyegi.”
