Zefania 2:1-15
2 Chokreuru, ee, chokreuru kanyachiel,+Yaye, oganda ma onge wich-kuot.+
2 Ka pok chik ochako tiyo,Ka pok odiechieng’no okalo ka mihudhi,Ka pok mirimb Jehova mager obironu,+Ka pok odiechieng mirimb Jehova obironu,
3 Dwaruru Jehova,+ un jo mamuol* duto modak e piny,Ma rito chikene makare.*
Dwaruru tim makare, dwaruru muolo.
Di po ka opandu e odiechieng mirimb Jehova.+
4 Ibiro jwang’ dala mar Gaza;Kendo Ashkelon biro dong’ gunda.+
Ibiro riemb Ashdod godiechieng’ tir,Kendo Ekron ibiro pudhi.+
5 “Yaye nobed malit ne jo ma odak e tiend nam, oganda mar Jo-Kereth!+
Wach Jehova mon kodu.
Yaye Kanaan, piny Jo-Filistia, abiro kethi,Kendo onge ng’at ma biro dong’ e iyi.
6 Dho nam biro lokore kuonde mikwayoe jamni,Enobed gi sokni mag jokwath kod kul mag rombe.
7 Jo-Juda modong’ biro kawo pinyno;+Gibiro kwayo kuno.
Gibiro nindo e ute mag Ashkelon gotieno.
Nimar Jehova Nyasachgi biro parogi,*Kendo obiro dwoko joggi ma noter e tuech.”+
8 “Asewinjo ayany mag Jo-Moab+ kod mag Jo-Amon,+Ma giseyanyogo joga ka gisungore ni gibiro kawo piny joga.+
9 Kuom mano, mana kaka angima,” Jehova Nyasach oganda lweny, Nyasach Israel owacho,“Moab nobed mana kaka Sodom,+Kendo Jo-Amon kaka Gomora,+Piny mopong’ gi buya, bur chumbi, kendo mojwang’ nyaka chieng’.+
Joga modong’ biro yako mwandugi,Kendo joga modong’ biro kawo pinygi.
10 Mano e gima gibiro yudo nikech sungagi,+Nikech ne gijaro kendo sungore ne jo Jehova Nyasach oganda lweny.
11 Jehova nobednegi ka gimoro ma bwogogi;Nikech obiro tieko nyiseche duto mag piny,Kendo chula ka chula biro kulorene,*+Moro ka moro e kare owuon.
12 Un Jo-Ethiopia, un bende liganglana biro negou.+
13 Obiro rieyo lwete yo nyandwat mi oketh Asuria,Kendo obiro loko Nineve gunda+ mobed motwo ka thim.
14 Jamni nonind kuno, le mag bungu mopogore opogore.
Gotieno, mbusi gi chiewo biro bet e kind sirnige madongoDwol moro biro wer e dirisa.
Kethruok maduong’ nobed e dhoot;Nikech obiro elo bepene mag sida.
15 Ma e dala ma ne sungore kendo ma ne orit maber,Dala ma ne wacho e chunye ni, ‘Onge machielo ma chalo koda.’
Mano kaka osebedo gima ji wuoro,Kendo ka ma le mag bungu e ma nindoe!
Ng’ato ang’ata ma kalo bute biro liyo kendo teng’o lwetene.”+
Weche Moler Piny
^ Kata, “jo ma obolore.”
^ Hibrania, “buchene makare.”
^ Kata, “biro ritogi.
^ Kata, “lame.”
