Zekaria 13:1-9
13 “Chieng’no ibiro yaw soko moro ne od Daudi, kendo ne jo ma odak Jerusalem mondo gipwodhrego kuom richogi kod timbegi mochido.+
2 “Chieng’no,” Jehova Nyasach oganda lweny owacho, “abiro rucho nyinge sanamu manie piny,+ kendo ji ok nopargi kendo; kendo abiro tieko jonabi e piny+ kod jo ma ohero timbe ma ok ler.
3 To ka po ni ng’ato okoro wach kendo, wuon-gi gi min-gi biro wachone ni, ‘Initho nikech isewacho miriambo e nying Jehova.’ Jonyuolnego biro chwoye gi tong’ nikech ne okoro miriambo.+
4 “Chieng’no wi jonabi duto biro kuot sa ma gikoro fweny moro; bende ok ginirwak lewni motimo yier ma jokor wach rwako+ mondo giwuond ji.
5 Eka obiro wacho ni, ‘Ok an janabi, to an mana japur. Ng’at moro e ma ne ong’iewa mondo abed misumbane ka ne pod atin.’
6 To ka ng’ato openje ni, ‘Adhonde man kuomigi* nigolo kanye?’ obiro dwoko ni, ‘Ne ayudo adhondegi e od osiepena.’”
7 “Yaye ligangla chiew mondo imonj jakwadha,+Mondo imonj osiepna,” Jehova Nyasach oganda lweny owacho.
“Go jakwath,+ mondo rombe oke;+Lweta biro goyo jo matindo.”
8 “Kendo e piny duto” Jehova owacho,“Ariyo kuom adek manie iye ibiro ng’ad oko kendo gibiro lal nono;To achiel kuom adek e ma biro dong’ e iye.
9 Anami achiel kuom adek okadh e dier mach;Anapwodhgi mana kaka fedha,Kendo anatemgi kaka itemo dhahabu.+
Giniluong nyinga,Kendo anadwokgi.
Anawach ni, ‘Magi gin joga,’+To gin gibiro wacho ni, ‘Jehova e Nyasachwa.’”
Weche Moler Piny
^ Hibrania, “manie e kind bedeni,” tiende ni, andhodego nie kore kata e ng’eye.
