Zekaria 3:1-10
3 Bang’e, ne onyisa Joshua+ jadolo maduong’ kochung’ e nyim malaika mar Jehova, to Satan+ nochung’ e bade korachwich ka dwaro kwede.
2 Eka malaika mar Jehova ne owacho ne Satan niya: “In Satan, Jehova mondo okweri matek,+ ee, mad Jehova, Nyasaye moseyiero Jerusalem+ okweri matek! Donge ng’atni chalo mana gi yath ma oyudh e mach ka wang’?”
3 Noyudo Joshua ochung’ e nyim malaikano korwako lewni mochido.
4 Malaikano nowacho ne jo ma ne ochung’ e nyime niya: “Lonyneuru lewni mochidogo.” Eka nowachone ni, “Iwinjo, asegolo kethoni kuomi, kendo koro ibiro rwakni lewni mabeyo.”*+
5 Omiyo, ne awacho niya: “We mondo orwakne kilemba maler e wiye.”+ Ne girwakone kilemba maler kod lewni; to malaika mar Jehova ne ochung’ bute kanyo.
6 Eka malaika mar Jehova ne owacho ne Joshua niya:
7 “Jehova Nyasach oganda lweny owacho ni, ‘Ka iwuotho e yorena kendo timo tije duto ma asemiyi, inibed jang’ad bura e oda+ kendo inirit laruna duto; bende anamiyi thuolo mar biro e nyima kaachiel gi jo ma ochung’ kaegi.’
8 “‘In Joshua jadolo maduong’, asayi, kaachiel gi joweteni mobet e nyimi, winjuru, nimar jogi gin kaka ranyisi; neuru! anakel jatichna+ ma Bad Yath!+
9 Ranguru kidi ma aseketo e nyim Joshua! Nitie wenge abiriyo e kidi achiel; an e ma andiko weche e kidino,’ Jehova Nyasach oganda lweny owacho, ‘kendo abiro golo ketho mar pinyno e odiechieng’ achiel.’+
10 “Jehova Nyasach oganda lweny owacho ni, ‘E odiechiengno, ng’ato ka ng’ato noluong nyawadgi mondo obi e bwo mzabibune kod yadh ng’ope.’”+
Weche Moler Piny
^ Kata, “kandho ma nigi nyadhi.”
