Zekaria 4:1-14
4 Malaika ma ne wuoyo kodacha ne oduogo mochiewa, mana ka ng’at ma ichiewo e nindo.
2 Eka ne openja niya: “Ineno ang’o?”
Nadwoke niya: “Aneno gir chungo taya molos gi dhahabu lilo,+ kendo nitie bakul moro e wiye. Nitie teyni abiriyo e wiye,+ ee, abiriyo, kendo teyni manie wiyego nigi odundu abiriyo.
3 E bathe kanyo nitie yiend zeituni ariyo,+ achiel e bath bakul korachwich to machielo e bathe koracham.”
4 Eka ne apenjo malaika ma ne wuoyo koda niya: “Ruodha, gigi tiendgi ang’o?”
5 To malaikano ne odwoka niya: “Ikiya tiend gigi adier?”
Nadwoke niya: “Ok ang’eyo, ruodha.”
6 Eka ne owachona kama: “Ma e gima Jehova owacho ne Zerubabel: ‘“Gik ma timore ok timre nikech jolweny, kata teko,+ to gitimore kuom roho mara.”+ Jehova Nyasach oganda lweny owacho.
7 Yaye got maduong’, iparo ni in ang’o? Ne! Ibiro lokori pap+ e nyim Zerubabel+ kendo en e ma obiro kelo kidi ma malo mar hekalu ka ji kok niya: “Mano kaka ober! Mano kaka ober!”’”
8 Wach Jehova ne obirona kendo niya:
9 “Lwet Zerubabel e ma oseketo mise mar odni,+ kendo lwetene e ma biro tieke,+ mi unung’e ni Jehova Nyasach oganda lweny e ma oseora iru.
10 Nimar ng’ano mochayo odiechieng’ ma gik moko eka chakore?*+ Ginibed mamor, kendo ginine Zerubabel koting’o kabiro mipimogo e lwete. Gik moko abiriyogo gin wenge Jehova ma rango piny ngima koni gi koni.”+
11 Eka ne apenje niya: “Yadh zeituni ariyo manie bath taya koni gi koni ochung’ne ang’o?”+
12 Ne apenje kendo niya: “Bede ariyo mag zeituni* ma olo mor dhahabu e odundu ariyo mag dhahabu ochung’ ne ang’o?”
13 Omiyo, ne openja niya: “Be ing’eyo tiend gigi?”
Nadwoke niya: “Ok ang’eyo, ruodha.”
14 Eka nowachona kama: “Magi e jo mowal ariyo mochung’ but Ruodh piny ngima.”+
Weche Moler Piny
^ Kata, “ndalo mag gik matindo?”
^ Tiende ni, bede yath mopong’ gi olembe mag zeituni.