Zekaria 6:1-15
6 Ne ating’o wang’a kendo mi aneno geche ang’wen mag lweny ka wuok e kind gode ariyo, kendo godego ne gin mag mula.
2 Gari mokwongo ne nigi farese ma rokwere, to gari mar ariyo ne nigi farese ma rotenge.+
3 Gari mar adek ne nigi farese ma rochere, to gari mar ang’wen ne nigi farese ma nigi madoadoa gi ma rang’eye.+
4 Ne apenjo malaika ma ne wuoyo kodano niya: “Ruodha, magi gin ang’o?”
5 Malaikano nodwoka kama: “Magi e roho ang’wen+ mag polo ma osekawo kargi e nyim Ruodh piny ngima.+
6 Gari miywayo gi farese ma rotenge dhi e piny man yo nyandwat;+ farese ma rochere dhi loka nam; to farese ma nigi madoadoa dhi e piny man yo milambo.
7 To farese ma rang’eyego ne gombo dhi wuotho koni gi koni e piny.” Eka nowacho niya: “Dhiuru adhiya uwuoth e piny duto.” Eka ne gichako wuotho e piny koni gi koni.
8 Ne oluonga mowachona niya: “Ne, farese ma dhi e piny man yo nyandwat osekueyo roho mar Jehova e pinyno.”
9 Wach Jehova ne obirona kendo niya:
10 “Kaw gik ma Heldai, Tobija, kod Jedaya okelo koa kuom jo ma noter e tuech. Kendo chieng’no, inidhi e od Josia wuod Zefania kaachiel gi jo ma oa Babulon.
11 Inikaw fedha gi dhahabu kendo inilosgo osimbo maduong’, kae to iniket osimbono e wi Joshua+ wuod Jehozadak ma jadolo maduong’,
12 mi iniwachne ni,
“‘Ma e gima Jehova Nyasach oganda lweny owacho: “Ma e ng’at ma iluongo ni Bad Yath.+ Obiro loth kare owuon kendo enoger ne Jehova hekalu.+
13 En e ma obiro gero hekalu mar Jehova, mi enoyud duong’. Obiro bedo e kom-lochne mi olochi, kendo enobed jadolo e kom-lochne,+ kendo winjruok nobedie e kind migepe ariyogo.*
14 Osimbo maduong’no nobed kaka rapar mar Helem, Tobija, Jedaya,+ kod Hen wuod Zefania, e hekalu mar Jehova.
15 Jo ma ni mabor nobi mondo gikony e gero hekalu mar Jehova.” Kendo unung’e ni Jehova Nyasach oganda lweny e ma oseora iru. Wachni biro timore mana ka uyie winjo dwond Jehova Nyasachu.’”
Weche Moler Piny
^ Tiende ni, migepene kaka ruoth kendo jadolo.
