Zekaria 7:1-14
7 E higa mar ang’wen mar loch Darius, wach Jehova nobiro ne Zekaria+ e odiechieng’ mar ang’wen, dwe mar ochiko, ma en dwe miluongo ni Kislev.*
2 Jo-Bethel nooro Sharezer, Regem-melek, kaachiel gi joge mondo gidhi gikwa Jehova okechgi.
3 Ne giorogi mondo gipenj jonabi kod jodolo mag od Jehova Nyasach oganda lweny niya: “Be onego aywag e dwe mar abich+ ka atueyo chiemo mana kaka asebedo ka atimo kuom higni mang’eny?”
4 Wach Jehova Nyasach oganda lweny ne obirona kendo niya:
5 “Nyis ji duto manie piny gi jodolo duto kama, ‘Kinde ma ne utueyo chiemo ka uywagoru e dwe mar abich kod dwe mar abiriyo+ kuom higni 70,+ be an e ma ne utueyona adier?
6 To ka ne uchiemo kendo umetho, donge ne utimo kamano mondo ubed mamor un uwegi?
7 Donge onego uluw weche ma Jehova nowacho kokalo kuom jonabine machon,+ kinde ma ji nodak gi kuwe e Jerusalem kod e mier duto molwore, kendo e kinde ma ji pod nodak e Negeb kod Shefela?’”
8 Wach Jehova nobiro ne Zekaria kendo niya:
9 “Ma e gima Jehova Nyasach oganda lweny owacho, ‘Ng’aduru bura e yo makare,+ heruru joweteu gadier,+ kendo ukechgi.
10 Kik uma chi liel, nyathi kich,+ wendo,+ kod jachan+ mwandugi; kendo kik uchan e chunyu timo ne joweteu gik maricho.’+
11 Kata kamano, ne gidagi winja,+ mi ne giloko ng’egi,+ kendo ne gidino itgi mondo kik giwinj wachna.+
12 Ne gimiyo chunygi obedo mana ka kidi mar almasi,*+ kendo ne gitamore winjo chik kod weche ma Jehova Nyasach oganda lweny ne ooronegi gi rohone kotiyo gi jonabi machon.+ Omiyo, Jehova Nyasach oganda lweny ne oolo mirimbe kuomgi.”+
13 “Jehova Nyasach oganda lweny owacho ni, ‘Ne ok giwinja ka ne aluongogi,+ omiyo, an bende ne ok awinjogi ka ne giluonga.+
14 Ne akeyogi gi yamo mager e pinje duto ma ne ok ging’eyo,+ mi pinygi odong’ gunda ma onge ng’at ma kaloe kata ma donjoe,+ nimar ne giloko piny maber mobedo gima lich ma ji wuoro.’”
