Zekaria 9:1-17
9 Ote mapek:
“Wach Jehova mon gi piny Hadrak,Kendo Damaski e ma obiro lwarie,*+—Nimar wang’ Jehova ni kuom dhano duto+Kod dhoudi duto mag Israel—
2 Bende, obiro lwar e Hamath+ mokiewo kode,Kod Turo+ gi Sidon,+ nimar giriek ahinya.+
3 Turo osegero ohinga motegno.
Osebiwo fedha mang’eny ka buruKod dhahabu mana ka lowo man e yo.+
4 Neuru! Jehova biro kawo mwandune,Obiro wito jolwenje e nam;*+Kendo ibiro tieke gi mach.+
5 Ashkelon biro neno mano mi noluor;Gaza biro bedo gi rem malit,Ekron bende, nikech gima nogeno oseyudo wich-kuot.
Ruodh Gaza biro lal nono,Kendo Ashkelon biro dong’ gunda.+
6 Wuoyi ma kimirwa* biro dak Ashdod,Kendo abiro tieko sunga mar Jo-Filistia.+
7 Abiro golo gik motimo remo e dhogeKaachiel gi gik makwero e lekene,Kendo ibiro weye ne Nyasachwa;Enobed kaka jaduong’ e Juda,+Kendo Ekron nobed kaka Ja-Jebus.+
8 Abiro chung’ oko kaka jarit mondo arit oda,+Mondo kik ng’ato ang’ata okadhie sa ma owuok kata sa ma oduogo;Jasand ji ok bi kalo kanyo kendo,+Nimar wang’a oseneno* wachno.
9 Bed mamor, yaye nyar Sayun.
Kog gi mor, yaye nyar Jerusalem.
Ne! Ruodhi biro iri.+
Timbene ni kare, okelo warruok,Obolore,+ kendo oidho punda,Oidho punda ma dichwo, ee, nyathi punda.+
10 Abiro mayo Efraim gechene mag lwenyAbiro mayo Jerusalem faresene.
Ibiro kaw atung’.
Obiro lando kuwe ne ogendni;+Lochne biro chakore e nam achiel nyaka e nam machielo,Kendo e Aora* nyaka e tung’ piny.+
11 To in, yaye in dhako, nikech singruok mar remo ma ne itimo,Abiro golo jogi motue e bur ma onge pi.+
12 Un jo motue man gi geno, duoguru e kar geng’ruok maru.+
Anyisi kawuono ni,‘Abiro miyi pok nyadiriyo, yaye dhako.+
13 Nimar abiro dolo Juda mana ka atung’na.
Abiro pong’o atung’ gi Efraim,*Abiro chiewo yawuoti, yaye Sayun,Mondo giked gi yawuoti, yaye Grik,Abiro miyo ibed kaka ligangla mar jalweny molony.’
14 Jehova biro nenore e wigi,Kendo aserni mare biro mil ka polo.
Jehova Wuon Loch Duto biro goyo tung’,+Kendo obiro dhi e lweny mana ka ahiti moa milambo.
15 Jehova Nyasach oganda lweny biro kedonegi,Gibiro nyono kendo tieko kite mag orujre.+
Gibiro metho mi gigo koko mana ka jo ma omadho divai;Gibiro pong’ mana ka bakul,Mana ka konde mag kendo mar misango.+
16 Jehova Nyasachgi biro resogi chieng’noMana kaka jakwath reso rombene;+Nimar ginibed mana kaka kite mabeyo molosgo osimbo, kendo ma rieny e wi pinye.+
17 To mano kaka berne lich,+Kendo kaka ojachia mokalo!
Cham biro miyo yawuoyi del maber,Divai manyien bende nomi nyiri ma silili del maber.”+
Weche Moler Piny
^ Kata, “budhoe; yueyoe.”
^ Kata nyalo bedo, “Obiro goyo jolwenje e nam.”
^ Kata, “Wuoyi ma min obirogo.”
^ Nyaka bed ni owuoyo kuom sand mar joge.
^ Tiende ni, Yufrate.
^ Tiende ni, aserni.