Tarik 24 Februar 2022, jolweny mag Russia nochako monjo Ukraine e seche mag okinyi, kata obedo ni jotend pinje mopogore opogore nosetimo kinda ahinya mondo kik lwenyno tugre. Ere kaka lwenyno nyalo kelo chandruok ne piny ngima? António Guterres ma en jagoro maduong’ mar Riwruok mar Pinje (U.N.) nowacho kama ndalo matin mokalo: “Chandruok kod kethruok ma lwenyno biro kelo ne pinje man Ulaya kod ne piny ngima ng’eny ma ok wanyal kata pimo.”

•   Yesu Kristo nokoro kinde ma ‘oganda ne dhi kedo gi oganda kendo pinyruoth gi pinyruoth.’ (Mathayo 24:7) Som sula ma wiye wacho ni, “Ni Nini Ishara ya ‘Siku za Mwisho’?” mondo ine kaka Muma nyiso ni lwenje me kindewagi ne dhi chopo weche ma Yesu nokoro.

•   Bug Fweny wuoyo kuom jaidh faras moro mobet e wi faras ‘makwar ka mach,’ kendo omiye teko “mar golo kuwe oa e piny.” (Fweny 6:4) Som sula ma wiye wacho ni, “Joidh Farese Ang’wen Gin Jomage?” mondo ine kaka wach ma nokorno otudore gi lwenje me kindegi.

•   Bug Daniel nokoro e wi ywaruok ma ne dhi bedo e kind “ruoth ma nyandwat” kod “ruoth ma milambo.” (Daniel 11:25-45) Ne vidio ma wiye wacho ni, Weche ma Nokor Mosechopo​—Daniel Sula 11, mondo ine gimomiyo inyalo luong Russia kod pinje ma riwe lwedo ni ruoth ma nyandwat. a

•   Bug Fweny wuoyo bende e wi “lweny mar odiechieng’ maduong’ mar Nyasaye Manyalo Duto.” (Fweny 16:14, 16) Kata kamano, mano ok en lweny manie kind ogendni kaka ma timore e kindegi. Som sula ma wiye wacho ni, “Har-Magedon En Ang’o?” mondo ine weche momedore e wi lweny ma birono.

•   Muma wacho ni Nyasaye biro ‘tieko lwenje duto e piny.’ (Zaburi 46:9) Som sula ma wiye wacho ni, “Tumaini Bora la Wakati Ujao,” mondo ine gik ma Nyasaye osingonwa e kinde mabiro.

•   Yesu nopuonjo jolupne ni gilam mondo Pinyruodh Nyasaye obi. (Mathayo 6:9, 10) Pinyruodhno en sirkal mar polo ma Nyasaye biro tiyogo e miyo dwache otimre e piny kae, kendo achiel kuom dwaro mag Nyasaye en kelo kuwe e piny ngima. Ne vidio ma wiye wacho ni, Pinyruodh Nyasaye En Ang’o? mondo ine kaka Pinyruodhno nyalo keloni ber mang’eny.

 Nitie Joneno mag Jehova mokalo 129,000 modak e piny Ukraine. Mana kaka Joneno modak e pinje mamoko, gin bende ok gidonjre e weche mag siasa kendo ok giked e lwenje. (Johana 18:36) E piny ngima, Joneno mag Jehova dhi nyime lando “wach maber mar Pinyruoth,” kaka yo kende ma nyalo tieko ne dhano chandruoge duto, moriwo nyaka lwenje. (Mathayo 24:14) Wagweli mondo itudri kodwa mondo ipuonjri weche momedore e wi geno ma Muma chiwo mar kinde mabiro.