Sean Gladwell/Moment via Getty Images
SIKURU KA UNENO!
Pesa ma Piny Ngima Osetiyogo e Lweny Okalo Dola Trilion 2—Ang’o ma Muma Wacho?
E higa mar 2022, pesa ma piny ngima notiyogo e lweny nochopo dola trilion 2.24 mag Amerka, kendo thoth pesago osetigo e kedo e lweny ma dhi nyime e kind Russia gi Ukraine. Dwe mar April, higa 2023, riwruok mar Stockholm International Peace Research Institute (SIPRI) nogolo ripot moro ma wacho ni e higa mar 2022:
Pinje mag Europe, pesa ma notigo e lweny “nomedore gi pasent 13, ma en e pesa mang’enyie mogik ma notigo e higano e weche mag lweny kopim gi higni mamoko mosekalo.”
“Pesa ma Russia notiyogo nomedore gi pasent 9.2, kendo mano nomiyo osudo nyaka namba adek kowuok e namba abich kuom pinje ma tiyo gi pesa mang’eny e weche mag lweny.”
Amerka e piny ma pod okawo namba e tiyo gi pesa mang’eny e weche mag lweny, “kendo notiyo gi pesa ma romo pasent 39.”
Achiel kuom jotelo mag riwruok mar SIPRI miluongo ni Dr. Nan Tian nowacho ni, “medruok mosebetie e pesa mitiyogo e weche mag lweny, nyiso ni wadak e piny ma weche mag arita ok berie kata matin.”
Muma nokoro chon ni lwenje ne dhi bedo e kind pinjeruodhi kendo onyisowa gima nyalo kelo kuwe madier.
Nokor ni lwenje ne dhi medore
Muma luongo kinde ma wadakiegi ni “ndalo giko.”—Daniel 8:19.
Muma nokoro e bug Daniel ni pinjeruodhi ne dhi kedo gi pinjeruodhi wetegi. Pinjeruodhigo ne dhi “piem,” kata kedo mondo ginyis ni gin e ma gin gi teko moloyo jowetegi. Mano ne dhi miyo giti gi “mwandu,” kata pesa mang’eny.—Daniel 11:40, 42, 43.
Kaka kuwe madier biro chopo
Muma wacho ni loch Nyasaye biro kawo kar loje mag dhano. Obiro chungo “pinyruoth ma ok noketh ngang’. Pinyruodhno ok nomi oganda machielo, to obiro ng’injo pinjeruodhi mamokogi duto motiekgi chuth kendo noloch nyaka chieng’.”—Daniel 2:44.
Machiegnini, Jehova a Nyasaye biro timo gima dhano ok nyal timo, tiende ni kelo kuwe madier kendo ma siko nyaka chieng’. Ere kaka obiro timo mano? Pinyruodh Nyasaye biro tieko gige lweny duto kaachiel gi mahundu.—Zaburi 46:8, 9.
Mondo ing’e mathoth e wi gik ma Pinyruodh Nyasaye biro timo, som sula ma wacho ni “Wakati Huo ‘Amani Itakuwa Nyingi.’”
a Jehova en nying Nyasaye owuon.—Zaburi 83:18.
Samoro Inyalo Hero Magi Bende
DWOKO PENJO MA JI NIGO E WI MUMA
Ere Kaka Ibiro Kel Kuwe e Piny?
Ne ane kaka Nyasaye osingo ni obiro kelo kuwe e piny mangima kokalo kuom pinyruodhe.
ESSENTIAL BIBLE TEACHINGS
Pinyruodh Nyasaye En Ang’o?
Kinde duto ma Yesu ne yalo, nojapuonjo ji wach Pinyruodh Nyasaye nyading’eny moloyo wach moro amora. Ji osebedo kalemo kuom higni mang’eny mondo pinyruodhno obi.
PUONJ MADONGO MAG MUMA
Pinyruodh Nyasaye Nochako Locho e Higa mar 1914
Higni mokalo 2,600, Nyasaye nomiyo ruoth moro man gi teko lek moro ma chopo e kindewagi.
