Wer 133
Dwaruru Jehova Mondo Uyud Warruok
1. Jo pinyni riwore,
Gikwedo Wuod Jehova.
Kinde mag loch dhano duto
Koro oserumo chuth.
Loch dhano oseketh;
Pinyruoth siko nyaka chieng’.
Kristo noketh wasikwa e piny.
Notim mano mapiyo.
(KORAS)
Dwar Nyasaye mondo resi,
Manye ka in gi adiera.
Tim gima kare,
Nyis ni in jadier,
Riw lwedo Jaloch gi lochne.
Mondo Nyasaye oresi
Gi bade matek.
2. Jo piny sani yiero,
Ka be giyie rwako wach.
Wamiyo ji duto thuolo
Winjo kata tamore.
Kata wayudo sand,
Mano ok bi miwa luor.
Ruodhwa norit joge mogene;
Obiro winjo ywakwa.
(KORAS)
Dwar Nyasaye mondo resi,
Manye ka in gi adiera.
Tim gima kare,
Nyis ni in jadier,
Riw lwedo Jaloch gi lochne.
Mondo Nyasaye oresi
Gi bade matek.
(Ne bende 1 Sam. 2:9; Zab. 2:2, 3, 9; Nge. 2:8; Mat. 6:33.)
