Bible Bu Hmêlhriattîrnate
Hêng zirlai video tawite hian Bible bu a hun lai chanchin leh a chhûnga thu awmte chungchâng chanchin hlu tak a pe a. Mi mala Bible i chhiarna leh i zirna chu hêng video-te hmang hian tiphuisui ang che.
Genesis Bu Hmêlhriattîrna
Genesis bu hian mihring chanchin inṭan dân bâkah, hrehawm tawrhna leh thihna lo awm ṭan dân chanchin pawimawh tak min hriattîr.
Exodus Bu Hmêlhriattîrna
Pathianin Israel mite chu Aigupta sal tâna ata a chhan chhuak a, a hnêna inpumpêk hnam angin a din.
Leviticus Bu Hmêlhriattîrna
Leviticus buin Pathian thianghlimna leh keimahni ngei kan thianghlim a pawimawh chhan a târ lan dân hre rawh.
Numbers Bu Hmêlhriattîrna
Jehova thuâwih a pawimawh dân leh a mite zînga hruaitu atâna ruatte chunga zahna lantîr a pawimawh dân hre rawh.
Deuteronomy Bu Hmêlhriattîrna
Israel mite hnêna Jehova dân pêkin a mite a hmangaihna nasa tak a târ lan dân en rawh.
Josua Bu Hmêlhriattîrna
Israel mite’n an Pathianin a pêk ram an lâk a, sem a nih dân hre rawh.
Rorêltute Bu Hmêlhriattîrna
Thiltiha khat he lehkhabu hian Pathianin awpbettute kuta Israelte chhan chhuak tûra a hman rinna nei mipa huaisen takte hming a chawi a ni.
Ruthi Bu Hmêlhriattîrna
Ruthi bu hi hmeithai la naupang takin a pi hmeithai chunga mahni inphat hmangaihna a lantîr dân leh Jehova’n an pahniha mal a sâwm dân chanchin a ni.
Samuela Pakhatna Hmêlhriattîrna
Rorêltute hun aṭanga lalte rorêlna huna Israelte chanchin a inthlâk dân en rawh.
Samuela Pahnihna Hmêlhriattîrna
Davida chu a inngaihtlâwmna leh rinnain Bible-a mite zînga ngainatawm leh hriat hlawh tak a nihtîr dân hria ang che.
Lalte Pakhatna Hmêlhriattîrna
Lal Solomona rorêlna hnuaia ropuina leh hausakna an chen aṭanga hun buaithlâk tak Israel lalram leh Juda lalrama a inṭhen thlenga Israelte chanchin.
Lalte Pahnihna Hmêlhriattîrna
Jehova’n thinlung kima a rawngbâwltu tlêm tête mal a sâwm laia, kalpênnain Israel hmâr lam lalram a hruai sual dân chu hriat tum rawh.
Chronicles Pakhatna Hmêlhriattîrna
Israel lal a nih aṭanga a thih nî thlenga Pathian ṭih tak Lal Davida thlahte leh a nun kawng chanchin ngaihvenawm takte chu chhui ang che.
Chronicles Pahnihna Hmêlhriattîrna
He Juda lalte chanchin hian, Pathian chunga rinawm a hlutzia a târ lan dân hi hria ang che.
Ezra Bu Hmêlhriattîrna
Jehova chuan Babulon sal tânna ata a mite chhuah tûr leh Jerusalema biakna dik din ṭha leh tûra a thutiam chu a vawng.
Nehemia Bu Hmêlhriattîrna
Bible-a Nehemia bu chuan tûn laia betu dikte tân zir tûr pawimawh tak a pe.
Estheri Bu Hmêlhriattîrna
Estheri hun laia thilthlengte chuan tûn laiah pawh Pathian Jehova’n a mite chu hrehawm tawrhna lak ata a chhanchhuak thei tih i rinna a tichak ang.
Joba Bu Hmêlhriattîrna
Jehova hmangaihtu zawng zawng chuan fiahna an tâwk dâwn a. Joba chanchin chuan kan rinawm reng thei tih leh Jehova lalchungnunna kan thlâwp reng thei tih min rin nghehtîr a ni.
Sâm Bu Hmêlhriattîrna
Sâm buah chuan Jehova lalchungnunna, amah hmangaihtute ṭanpui a, a thlamuan dânte, leh a lalram hmanga khawvêl a thlâk danglam dân tûr chungchâng a chuang a ni.
Thufingte Bu Hmêlhriattîrna
I nun pêng hrang hrangah—sumdâwnna aṭanga chhûngkaw dinhmun thlengin—Pathian kaihhruaina dawng rawh.
Thuhriltu Bu Hmêlhriattîrna
King Solomon highlights the things that really matter in life and contrasts them with the things that conflict with godly wisdom.
Hla Thlan Khâwmte Hmêlhriattîrna
Sulam nulain berâm vêngtu tlangvâl tâna a hmangaihna chuai ngai lo chu “Jaha meialh“ anga târ lan a ni. Engvângin nge?
Isaia Bu Hmêlhriattîrna
Isaia bu chu hrilh lâwkna dik tak chuanna lehkhabu a ni a, chu chuan Jehova chu thutiamte Tifamkimtu leh kan chhandamna Pathian a ni tih i rinna a tinghet thei a ni.
Jeremia Bu Hmêlhriattîrna
Jeremia chuan harsatna a tuar chung pawhin a zâwlnei hna rinawm takin a thawk zêl a. A entîrna siamin tûn laia Kristiante tâna awmzia a neih chu ngaihtuah ang che.
Ṭah Hla Bu Hmêlhriattîrna
Zâwlnei Jeremia ziak Ṭah Hla bu chuan Jerusalem chhiatna chunga lungngaihna leh inlamlêtnain Pathian zahngaihna a thlen dân a târ lang a ni.
Ezekiela Bu Hmêlhriattîrna
Ezekiela chuan eng ang khawpa hun harsaah pawh Pathian pêk chanvo chu inngaitlâwm tak leh huaisen takin a thawk a. A entawn tûr siam chu kan tân a hlu hle a ni.
Daniela Bu Hmêlhriattîrna
Eng dinhmun hnuaiah pawh Daniela leh a ṭhiante chu Jehova chungah an rinawm tlat a. Hrilh lâwkna thlen famkimna rualin an entawn tûr siam chuan tûnah leh nakin hun atân hlâwkna min thlen thei a ni.
Hosea Bu Hmêlhriattîrna
Hosea hrilh lâwknaah chuan thil sualti inlamlêtte chunga Jehova zahngaihna leh biakna lama a duh dân te a tel a ni.
Joela Bu Hmêlhriattîrna
Joela chuan ’Jehova ni’ hnai tawh tak chungchâng leh chuta dam khawchhuah theih dân chungchâng a sawi lâwk a. A hrilh lâwkna chu tûn laiah a pawimawh lehzual a ni.
Amosa Bu Hmêlhriattîrna
Jehova chuan he mi inngaitlâwm tak hi hna pawimawh tak thawk tûrin a hmang a. Amosa entawn tûr siam aṭangin eng zir tûr hlu takte nge kan zir theih?
Obadia Bu Hmêlhriattîrna
Hebrai Pathian Lehkha Thu-a lehkhabu tawi ber a ni a. Jehova lalchungnungna thiamchantîrna leh beiseina a pe a ni.
Jona Bu Hmêlhriattîrna
Zâwlnei chuan zilhna chu a pawm a, a mawhphurhna a hlen bâkah, Pathian hmangaihna rinawm leh zahngaihna chungchângah thil pawimawh tak a zir a ni.
Mika Bu Hmêlhriattîrna
He Pathian thâwk khum hrilh lâwkna hian Jehova chuan thil âwm leh mawi leh kan ṭangkaipui tûrte chauh min phût a ni tih kan rinna a tinghet thei a ni.
Nahuma Bu Hmêlhriattîrna
He hrilh lâwkna hian Jehova chuan a thu a hlen reng tih leh a Lalram hnuaia remna leh chhan chhuahna zawng apiangte a thlamuan ṭhîn tih rin tlatna min neihtîr a ni.
Habakuka Bu Hmêlhriattîrna
Jehova chuan a mite chhan chhuah nâna hun ṭha ber leh kawng ṭha ber a hria tih kan ring tlat thei.
Zephania Bu Hmêlhriattîrna
Engvângin nge Jehova rorêlna nî chu lo thleng lo tûr anga ngaihtuah lo tûra kan invên ang?
Hagaia Bu Hmêlhriattîrna
He hrilh lâwkna hian mi mal thilte aia Pathian biakna dah hmasak ber a pawimawhzia a târ lang a ni..
Zakaria Bu Hmêlhriattîrna
Thlarauva thâwk khum inlârna leh hrilh lâwkna tam takte chuan hmân laia Pathian mite chu a tichak a. Chûng hrilh lâwknate chuan tûn laiah pawh Jehova ṭanpuina min tiam a ni.
Malakia Bu Hmêlhriattîrna
Hei hi inthlâk danglam ngai lo Jehova thu bul te, zahngaihna te, leh hmangaihna chungchâng hrilh lâwkna a ni a. Chu chuan tûn lai kan dinhmun tâna zir tûr pawimawh tak takte min pe bawk a ni.
Matthaia Bu Hmêlhriattîrna
He Bible bu, Chanchin Ṭha ziak palite zînga a hmasa ber chungchânga thu dikte chu zir ang che.
Marka Bu Hmêlhriattîrna
Chanchin Ṭha zînga tawi ber Marka bu chuan nakina lo awm tûr Pathian Rama Isua lal nia ro a rêl tûr thu a chuang a ni.
Luka Bu Hmêlhriattîrna
Chanchin Ṭha Luka buah eng chanchin danglam bîk tak nge chuang?
Johana Bu Hmêlhriattîrna
Johana thuziak chuan Isua’n mihringte a hmangaihna te, inngaihtlâwmna kawnga a entawn tûr siam te, leh Messia—nakin huna Pathian Rama Lal tûr—a nihnate chu a târ lang a ni.
Tirhkohte Bu Hmêlhriattîrna
Kristian hmasate chu hnam tina mite zirtîra siam tûrin an thawkrim hle a. Bible-a Tirhkohte bu chuan rawngbâwlna atâna i ṭhahnemngaihna leh phûrna a tipung thei a ni.
Rom Bu Hmêlhriattîrna
Jehova duhsak bîk neih lohna leh Isua Krista rin a pawimawhzia chungchânga thlarauva thâwk khum kaihhruaina.
Korinth Thawn Khat Hmêlhriattîrna
Paula lehkha thawnah chuan inpumkhatna te, nungchang thianghlimna te, hmangaihna te, leh thawhlehna rinna te chungchânga zilhna a chuang a ni.
Korinth Thawn Hnih Hmêlhriattîrna
“Thlamuanna zawng zawng Pathian” Jehova chuan a chhiahhlawhte chu a tichakin a chhawmdâwl.
Galatia Bu Hmêlhriattîrna
Paula’n Galatia rama mite hnêna a lehkha thawn chu, a ziah lai ang bawk khân tûn laiah pawh a la hman tlâk reng a. Chu chuan Kristian dik zawng zawng chu rinawm reng tûrin a ṭanpui thei a ni.
Ephesi Bu Hmêlhriattîrna
He thlarauva thâwk khum lehkha thawn hian Isua Krista hmanga remna leh inpumkhatna awmtîr tûra Pathian thiltum chungchâng a târ lang.
Philippi Bu Hmêlhriattîrna
Fiahna hnuaia kan din ngheh tlat hian, mi dangte chu ding nghet tûrin kan tichak thei.
Kolossa Bu Hmêlhriattîrna
Kan thu zirte nunpui a, inngaidam tawnin, leh Isua dinhmun hria a, a thuneihna pawmin Jehova kan tilâwm thei.
Thessalonika Thawn Khat Hmêlhriattîrna
Thlarau lama harhvâng reng a, ‘engkim fiah a’ ‘bâng lova ṭawngṭai a’ kan infuih tawn a ngai.
Thessalonika Thawn Hnih Hmêlhriattîrna
Paula chuan Jehova nî lo thlenna chungchânga thlîr dân dik lo a siam ṭhat bâkah, unaute chu rinnaa ding nghet tûrin a fuih.
Timothea Thawn Khat Hmêlhriattîrna
Timothea thawn khatah Paula chuan kohhrana inâwpna pâwl kal phungte a hrilhfiah a, zirtîrna dik lo leh tangka sum ngainatna lakah a vaukhân bawk.
Timothea Thawn Hnih Hmêlhriattîrna
Paula’n Timothea chu a rawngbâwlna hlen tûrin a fuih.
Tita Bu Hmêlhriattîrna
Tita hnêna Paula lehkha thawn chuan Kret thliarkâra awm kohhrana buainate leh kohhran upate tâna tlin ngai miziate a târ lang a ni.
Philemona Bu Hmêlhriattîrna
He lehkha thawn tawi leh thiltithei takah hian inngaihtlâwmna, ngilneihna, leh ngaihdamna chungchânga zir tûr ṭha tak a chuang a ni.
Hebrai Bu Hmêlhriattîrna
Kristiante biakna chu biak in leh rana inthawina aia ropui zâwkah a innghat.
Jakoba Bu Hmêlhriattîrna
Jakoba chuan Kristian thu bul pawimawhte zirtîr nân entîr nei ṭawngkamte a hmang.
Petera Thawn Khat Hmêlhriattîrna
Petera lehkha thawn pakhatna chuan harhvâng taka awm tûr leh kan lungkhamna zawng zawng Pathian chunga nghat tûrin min fuih a ni.
Petera Thawn Hnih Hmêlhriattîrna
Petera lehkha thawn pahnihna chuan vân tharte leh lei tharte kan nghah laia rinawm reng tûrin min fuih a ni.
Johana Thawn Khat Hmêlhriattîrna
Johana lehkha thawn chuan Krista dodâltute chungchângah min vaukhân a, kan thil hmangaih tûr leh kan huat tûr hre thiam tûrin min ṭanpui a ni.
Johana Thawn Hnih Hmêlhriattîrna
Johana lehkha thawn pahnihna chuan thutaka awm reng tûr leh bumtute laka invêng tûrin min hriatnawntîr a ni.
Johana Thawn Thum Hmêlhriattîrna
Johana lehkha thawn pathumna chuan Kristian khualchhâwn thiamna duhawm tak min zirtîr.
Juda Hmêlhriattîrna
Ani chuan a rûka Kristiante bum a, tihchhiat tumtute thil tih dân chu a lai lang.
Thu Puan Bu Hmêlhriattîrna
Thu Puan bua entîr nei inlârnate hian Pathian Ramin mihringte leh leilung atâna a thiltum a tih famkim dân tûr a târ lang.
