Sêrṭawk hi thinga rah ṭhîn thei lian tak leh thûr thlum a ni a. A rah hi meter 10 (30 ft) aia sâng aṭangin tla ṭhîn mah se, chhe miah lovin a awm thei! Engin nge he thei hi na taka insawh tuar thei tûra siam?

 Ngaihtuah rawh: Mi thiamte chuan sêrṭawk dala cell awmte hi nawhfê angin a kârah âwl a awm tih an hmu chhuak a. A dalin a tak a hnaih poh leh cell chhûnga kâr âwlte hi a zau lehzual a, chu chu boruak, a nih loh leh tuiin a hnawh khat a ni. A rah a tlâk a, leia a insawh hian a chhûnga tui awm chuan lukham dûp ang maiin a vênghim a ni. Sêrṭawk leia a zuk insawh chuan a kâwr chu mukin a rawn sak a, chakna a lâk khâwm avângin a keh lo a ni.

 Scientist-te chuan sêrṭawk kâwr awm dân entawnin na taka sawh tuar thei thil, thîr lam chî aṭangin an siam chhin a. An siam hlawhtlin theih chuan motorcyle lukhum te, lîrthei insut palha invênhimna te, leh arsi thlâwk laka vân sâng chanchin zirna hmunte vênhim nân a hman theih an ring a ni.

 Engtin nge i ngaih? Na taka sawh tuar thei sêrṭawk kâwr hi chanchhâwnna avânga lo awm nge ni a, siam a ni zâwk?