Bible chuan a ni lo tih chiang takin a sawi! Hrehawm tawrhna hi mihringte tâna Pathian Jehova thiltumah a tel lo va. Mahse, mihring nupa tuak hmasa berte chuan Pathian rorêlna lakah helin, thil ṭha leh ṭha lo chungchângah mahnia tehna siam an thlang a ni. Pathian an hawisan avângin a sawhkhâwkte an tuar ta a ni.

 Tûn laiah pawh an thu tlûkna ṭha lo siam sawhkhâwk chu keini pawhin kan tuar a. Mahse, mihringte hrehawm tawrhna hi Pathian aṭanga lo chhuak a ni lo rêng rêng.

 Bible chuan: “Tuman thlêmna an tawh laiin, ‘Pathian thlêm ka ni,’ ti suh se; Pathian chu sual thlêm rual a ni lo, amah pawhin tu mah a thlêm ngai lo,” a ti a. (Jakoba 1:13) Pathian duhsakna dawngtute pawh tiamin, mi tinte chuan hrehawm an tuar thei a ni.