Bethel Tlawhna
Bethel tia kan koh kan branch office-te tlawh tûrin kan sâwm a che. Kan office ṭhenkhat chuan mahnia fan kual theih thil pho chhuahte a nei a ni.
A Tlawh Leh Theih Ta: Ram tam takah chuan, kum 2023, June 1 aṭangin kan branch office-te chu thlawh ṭan leh theih a ni ang. Chanchin kimchang zâwk hriat nân, i tlawh duh branch chu pe pawh ang che. COVID-19 i nei emaw, hritlâng âwmnâ i nei emaw, a nih loh leh COVID-19 nei tuemaw nên tûn hnaiah in lo inkhâwm emaw a nih chuan, khawngaihin tlawh suh ang che.
Canada
Tlawh Tûra Hauh Lâwkna
I va tlawh hmain i hauh lâwk a ngai em? Ngai e. Tlawhtu mipui an tam lutuk loh nân leh a tlawhtu zawng zawngte’n hlim taka an tlawh theih nân, an tam emaw, an tlêm emaw pawh ni se, an rawn tlawh hmaa hauh lâwk tûrin kan duh a ni. A lo berah pawh i tlawh hma chawlhkâr khatah tal hauh lâwk ang che. Sawrkâr office chawlh nia tlawh duhte tân hma lehzuala hauh lâwk tûrin kan duh che u a ni.
Hauh lâwk lo ta la, i tlawh thei tho vang em? I hauh lâwk loh chuan, i tlawh thei kher lo vang. Kan dinhmun avângin nî tin bituk chin nei chauhvin a tlawh theih a ni.
Eng hunah nge tlawh tûra i lo thlen ang? Mipui an tam lutuk loh nân, a tam berah i hauh lâwk hun aia dârkâr khata hmain thleng suh ang che.
Engtin nge i hauh lâwk ang? Mi 20 aia tlêm in nih chuan, “Hauh Lâwkna—Mi 20 Aia Tlêm Tân” tihah lût la. A nih loh leh, mi 20 emaw, a aia tam emawin in tlawh dâwn a nih chuan, tourdesk.ca@jw.org-ah e-mail thawn ang che.
I hauh lâwkna chu thlâk theih leh cancel theih a ni em? Ni e. “Hauh Lâwkna Enna leh Thlâkna” tihah lût rawh.
I tlawh duh nîah tlawh theih ni lo ta se, engtin nge ni ang? Kan website chu en ṭhîn rawh. Hauh lâwkna thlâk leh cancel an awm hian, tlawh theihna hun remchâng a awm thei ṭhîn.
Address leh Phone Number